Malaj në kryesinë e PS:
Pse vetëm Tahiri-Zela
Partia Socialiste ka miratuar mbrëmë dy kandidaturat për postin e kryetarit të PS të Tiranës, Sajmir Tahirin dhe Ilir Zelën. Ndërkohë që janë miratuar dhe dy nënsekretarët për çështjet zgjedhore. Kryesia ka caktuar dhe datën e zhvillimit të zgjedhjeve brenda PS, që është data 3 mars.
TIRANE - Kryesia e Partisë Socialiste përfundoi mbrëmë vonë mbledhjen e saj, ku ka diskutuar për ecurinë e reformës zgjedhore, reformës parlamentare, problematikën e zgjedhjeve brenda partisë në disa njësi vendore, riorganizimin e forumit rinor dhe forumit të gruas. Por pika më e pritshme ka qënë kandidimi për kreun e PS në kryqytet, ku nuk kanë qënë të pakta debatet e bërë publike në lidhje me kandidatët. Ka qënë sekretari Organzativ Blendi Klosi, ai i cili informoi Kryesinë mbi situatën zgjedhore brenda strukturave të PS dhe në 117 njësitë vendore, ku ende s'janë zhvilluar zgjedhjet. Klosi i propozoi Kryesisë zhvillimin e zgjedhjeve për kreun e PS në Tiranë më 3 Mars ku do kandidojnë Ilir Zela e Sajmir Tahiri, ndërkohë që propozoi mbylljen e të gjithë proçesit zgjedhor në PS brenda 15 Marsit. Këto propozime u miratuan nga kryesia, ndërkohë që në këtë mbledhje kanë munguar Majko, Braçe,Bushati e Beqja. Por gjatë paraqitjes së këtyre dy kandidaturavepër kreun e PS të Tiranës, ka pasur njëfarë debati, në lidhje me numrin e pakët të kandidatëve.
Anëtari i kryesisë Malaj ka pyetur se "ku janë emrat e tjerë për kandidatë për kryetarë të PS të Tiranës, pasi kam parë në shtyp shumë emra, të cilën janë paraqitur si kandidate të propozuar nga organizatatat socialiste?". Ai ka marrë përgjigjien se "ne s'administrojmë gazetat që dalin në treg, por administrojmë kandidatët për kryetar të PS që janë propozuar nga organizatat socialiste". Malaj e kishte fjalën për faktin se nga organizatat janë propozuar dhe Harasani, Gjoni dhe Braçe për kandidatë. Ndërkohë që pas mbledhjes, njëri ndër kandidatët për kryetar i PS në Tiranë, Tahiri u shpreh se i kërkoi kryesisë shtyrjen e datës së zgjedhjeve për t'I dhënë mundësi kandidatve të përgatiten më së miri programin e tyre. "Ky ishte vendimi i kryesisë. Kryesia formalizoi vullnetin e saj. Unë kërkova shtyrjen e ditës së zgjedhjeve për ti lejuar kandidatëve të përgatisin më së miri projektet e tyre", tha Tahiri. Ndërsa kandidati tjetër Zela, s'ka preferuar të deklarohet pa marrë qëndrimin zyrtar të kryesisë për kandidimin, por ka ripërsëritur dhe njëherë gatishmërinë e tij për të kontribuar në krye të PS të Tiranës për të bashkuar të gjithë socialistët, në funksion të fitores në zgjedhjet e 2013-tës.
Kryesia caktoi një grup pune që do të koordinohet nga deputetja Xhaçka e drejtohet nga anëtarja e Kryesisë Gjermenji për të konceptuar një projekt që do i serviret Kryesisë në mbledhjen pasardhëse, mbi organizmin e forumit të gruas. Rama propozoi gjithashtu ngritjen e një grupi pune për hartimin e strategjisë së komunikimit me publikun, duke patur parasysh afrimin e fushatës së ardhshme zgjedhore, që u miratua nga Kryesia. Ndërsa janë votuar për nënsekretarë për çështjet zgjedhore Koli Beli dhe Bledar Çuçi. Rama nënvizoi rëndësinë për të përmbyllur sa më pare e me sukses reformën zgjedhore, duke përmbushur rekomandimet e OSBBE/ ODIHR e të gjitha shqetësimet e nxjerra në pah gjatë proçesit të fundit zgjedhor.
Ndërsa Gjiknuri, informoi mbi ecurinë e deritanishme dhe ritmin e ngadaltë, vonesat në vendimmarrjen e Komisionit për Reformën Zgjedhore, çka rrezikon mos përfundimin në kohë të vetë reformës. Kryesia e PS gjykon se zvarritja e qëllimshme e reformës zgjedhore, për shkak të mungesës së vullnetit politik nga ana e maxhorancës, rrezikon vetë proçesin e ardhshëmzgjedhor dhe shënon një moment kritik në përmbushjen mesukses të reformës. Dokle shprehu shqetësimin se edhe ecuria e reformës parlamentare nuk po përmbush afatet kohore të vendosura më parë.
(aq/shqiptarja.com)
Sondazhi i ditës:
Sa i përhapur është korrupsioni në Shqipëri?
-
Shumë
84.6%
-
Pak
9.1%
-
Nuk e di
6.3%
Vota total: 3037
Lajme të tjera
-
Egla merr mesazhet prekëse nga nëna dhe vëllai i saj, nuk i mban dot lotët
23 Prill, 22:55
-
Autogoli - Gazetari i RAI pranon gabimin: Publikon përgjigjet e Agaçit tre ditë pas emisionit ku pretendonte se ai nuk ishte përgjigjur
23 Prill, 22:34
-
Galdini zbërthen skemën: Meta me anti-nepotizmin po i jep përgjigje Berishës! Muça: Po i jargavitet doktorit
23 Prill, 22:25
-
'Kush m'i zgjidh hallet e mia, Ilir Meta, LSI-ja', Meçe ironizon: Çfarë do që të bëjë nuk i ndryshon imazhi
23 Prill, 22:12
-
Pirro Dhima: Në Greqi me bullizojnë si shqiptar nga mëngjesi në darkë, por unë nuk ndihem shqiptar
23 Prill, 22:12
-
Lufta poshtë brezit për dominimin e opozitës
23 Prill, 22:08
-
Mero Baze: Intifada e Ilir Metës kundër SPAK
23 Prill, 22:02
-
'Shan gruan e vet dhe lavdëron Berishën', Flogert Muça: Meta nuk ka më garanci dhe po i lutet doktorit
23 Prill, 22:01
-
Meta në 'betejë' me SPAK, gazetari në 'Repolitix': I ka kallur datën! Galdini: Po bëhet drejtësi e negociuar
23 Prill, 21:39
-
Këmbësorin e zë korrenti në autostradën Lezhë-Tiranë, ndërron jetë! OSHEE: Përcjellësi i ndriçuesit të biznesit i zhveshur (Emri)
23 Prill, 21:37
-
Sherr në Shkodër, plagosen me thikë babë e bir! Kapet autori
23 Prill, 21:32
-
FOTOT/ Nuk kishin firmat e nevojshme, Kryesia e Keshillit Bashkiak rrëzon kërkesën e opozitës për thirrjen urgjente të mbledhjes
23 Prill, 21:24