Në bordin e helikopterit kanë qenë 3 ushtarakë, ku 2 prej të cilëve kanë humbur jetën. Sipas Ministrisë së Mbrojtjes, viktimat janë kapiten Florian Deliaj dhe toger Donald Hoxha.
Trupat e tyre janë nxjerrë nga Liqeni nga polumbarët e RENEA-s dhe janë përcjellë për në morgun e Spitalit Rajonal të Shkodrës.
Nga ky aksident ka mbetur i plagosur ushtari profesionist, Gerald Baramuça, i cili ka mundur të shpëtojë. Atij i është dhënë ndihma e parë nga banorët dhe peshkatarët e zonës, të cilët e kanë transportuar menjëherë për në spitalin rajonal të Shkodrës.
Menjëherë pas ngjarjes, forca të shumta të Policisë si FNSH-ja dhe RENEA, zjarrfikëset si dhe autoambulancat, mbërritën në vendngjarje për të bërë të mundur
nxjerrjen e trupave të pajetë nga helikopteri.
Gjithashtu, nga Tirana u nis një helikopter kërkim shpëtimi, i Forcave të Armatosura.
Korrespondenti i Shqiptarja.com, Elvis Nabolli i cili raportoi nga vendngjarja, deklaroi se në bregun e Liqenit të Shkodrës gjenden disa mbetje të helikopterit.
Në vendin e rrëzimit të helikopterit ka qenë edhe një varkë peshkimi me disa peshkatarë.
Ata kanë deklaruar se fillimisht kanë dëgjuar një zhurmë shpërthimi në bordin e helikopterit kur ai ndodhej në ajër, ndërsa më pas, pas disa avarive, ka rënë në Liqenin e Shkodrës.
Po sipas dëshmive të tyre, në momentin e rrëzimit janë dëgjuar edhe thirrjet për ndihmë të pjesëtarëve të bordit.
Ata kanë mundur të nxjerrin nga uji vetëm një nga pjesëtarët e bordit, ushtarin profesionit Gerald Baramuça, i cili edhe pse me plagë në trup kishte dalë nga helikopteri.
Ndërsa për dy pjesëtarët e tjerë të ekuipazhit, ka qenë e pamundur nxjerrja, deri kur kanë mbërritur forcat e policisë dhe zjarrfikëset.
Helikopteri i rrëzuar sot në Liqenin e Shkodrës, është një prej mjete ajrore të Forcave të Armatosura, që dy ditë më parë u ekspozua në ceremoninë e 7 vjetorit të anëtarësimit të Shqipërisë në NATO.
(Rrënojat e helikopterit teksa pluskojnë në liqen)
![Rrënojat e helikopterit të rrëzuar në Liqeni i Shkodrës](http://www.shqiptarja.com/foto/222915_1.jpg)
(Rrënojat e helikopterit të rrëzuar në Liqeni i Shkodrës dhe ekipet e policisë duke nxjerrë trupat e dy viktimave) Foto të tjera
![helikopteri qe u rrezua](http://www.shqiptarja.com/foto/222977.jpg)
(Helikopteri që u rrëzua në Shkodër, fotografuar dy ditë më parë në 4 prill gjatë ekspozimit në Sheshin Nënë Tereza për 7-vjetorin e anëtarësimit në NATO)
![helikopteri qe u rrezua](http://www.shqiptarja.com/foto/222978.jpg)
(Helikopteri EC 145 me numer bordi 637 që u rrëzua në Shkodër, fotografuar dy ditë më parë në 4 prill)
Emrat e viktimave
- Donald Hoxha - Kapiten
- Florian Delia - Toger
![Dy viktimat Donald Hoxha dhe Floran Delia](http://www.shqiptarja.com/foto/222972.jpg)
(Dy viktimat Donald Hoxha (majtas) dhe Floran Delia (djathtas)
I plagosur
Gerald Baramuça
![trauma](http://www.shqiptarja.com/foto/222938.jpg)
(I plagosuri Gerald Baramuça në Spitalin e Traumës)
(I plagosuri Gerald Baramuça sillet në spitali i Traumës dhe fjala e ministrit Beqaj dhe doktorit për gjendjen e tij)
Shkak i rrëzimit të helikopterit dyshohet një defekt teknik
Helikopteri i rrëzuar mesditën e sotme në Shkodër, është një nga 3 helikopterët e rij të Forcave të Armatosura. Ndonëse nuk dihen zyrtarisht rrethanat e aksidentit, dyshohet se ai ka pësuar një defekt teknik gjatë fluturimit, gjë që ka sjellë avari në sistemin e tij elektrik, duke sjellë edhe rrëzimin në ujërat e Liqenit të Shkodrës.
Ministria e Mbrojtjes: Helikopteri i aksidentuar, EC 145, fluturimi stërvitor
Helikopteri i Ministrisë së Mbrojtjes model EC -145 dhe tre pjesëtarët e ekuipazhit të përfshirë në aksidentin me pasoja mesditën e kësaj të mërkure, kanë qenë në fluturim stërvitor.
Është ky sqarimi i Ministrisë së Mbrojtjes e cila ka bërë publik dhe emrat e ekuipazhit mes tyre Kapiten Florian Deliaj, toger Donald Hoxha dhe ushtari profesionist Gerald Baramuça.
Fluturimi ka nisur mesditën e kësaj të mërkure në ora 12:10 nga baza ajrore e helikopterëve në Farkë dhe në ora 13:45 minuta helikopteri ka humbur kontaktin me kullën e kontrollit në Rinas.
Pas humbjes së kontaktit me kullën e kontrollit drejt zonës së fluturimit është nisur një tjetër helikopter kërkim shpëtimi.
![viktima helikopter](http://www.shqiptarja.com/foto/222953.jpg)
(Helikopteri që u rrëzua në Liqeni i Shkodrës, togeri me kapele në të djathë të fotos është Donald Hoxha, një nga pilotët që humbi jetën, fotografuar në 18 mars 2016)
![(Me rreth të kuq viktima Donald Hoxha në 18 Mars gjatë ekspozimit të parë të dy helikopterëve EC 145 dhe Cougar në sheshin Nënë Tereza, helikopteri në background është ai që u rrëzua sot në Liqeni i Shkodrës)- See more at: http://shqiptarja.com/aktualit](http://www.shqiptarja.com/foto/222981.jpg)
(Me rreth togeri Donald Hoxha në 18 Mars gjatë ekspozimit të dy helikopterëve EC 145 dhe Cougar në "Nënë Tereza",helikopteri në sfond është ai që u rrëzua sot në Shkodër)
![helikopteri](http://www.shqiptarja.com/foto/222917.jpg)
(Helikopteri që u rrëzua në Shkodër, foto Antonio Çakshiri/Shqiptarja.com) Foto të tjera
![helikopteri](http://www.shqiptarja.com/foto/222948.jpg)
(Helikopteri që u rrëzua në Shkodër, fotografuar dy ditë më parë në 4 prill gjatë ekspozimit në Sheshin Nënë Tereza për 7-vjetorin e anëtarësimit në NATO) Foto të tjera
![i plagosuri donald hoxha](http://www.shqiptarja.com/foto/222905.jpg)
(Donald Hoxha, një nga pilotët që humbi jetën pas rrëzimit të helikopterit)
"EC 145", u ekspozua në sheshin 'Nënë Tereza' 2 ditë më parë
![floran delia](http://www.shqiptarja.com/foto/222975.jpg)
(Piloti Floran Delia gjatë një takimi me Shefin e Shtabit të Përgjithshëm Jeronim Bazo)
![i plagosuri baramuca](http://www.shqiptarja.com/foto/222907.jpg)
(I plagosuri Greald Baramuça)
![(I plagosuri Greald Baramuça)](http://www.shqiptarja.com/foto/222908.jpg)
(Specifikimet dhe të dhënat për helikopterin që u rrëzua në Liqeni i Shkodrës)
Beqaj: I plagosuri, jashtë rrezikut për jetën
Ministri i Shëndetësisë, Ilir Beqaj ka deklaruar se një person ka mbërritur në spitalin rajonal të Shkodrës, pas rrëzimit të helikopterit. Beqaj u shpreh për Report Tv se i plagosuri ka marrë dëmtime, por ndodhet jashtë rrezikut për jetën.
Sipas tij, një helikopter sanitar është në gatishmëri nëse i plagosuri, i cili dyshohet të jetë piloti i helikopterit, do të ketë komplikacione shëndetësore, ai do të transportohet menjëherë drejt Tiranës.
(Ministri Beqaj në lidhje telefonike)
Tonin Marinaj: Peshkatarët i dhanë ndihmën e parë pilotit
Kryetari i Bashkisë së Malësisë së Madhe, Tonin Marinaj, u shpreh për Report Tv se kanë qenë peshkatarët dhe banorët e zonës ata të cilët kanë njoftuar rrëzimin e helikopterit në fshatin Grishë të Malësisë së Madhe. Sipas tij, kanë qenë disa peshkatarë të cilët i kanë dhënë ndihmën e parë pilotit të plagosur, Gerald Baramuça.
Qosja: Helikopteri ka rënë 500 m në thellësi të liqenit
Më herët, administratori i Malësisë së Madhe, Ismet Qosja tha në një lidhje telefonike, për Report Tv se një helikopter ka rënë në liqenin e Shkodrës, në një largësi rreth 500 metra. "Njëri nga personat që ndodheshin në helikopter është nxjerrë nga uji dhe është dërguar në spitalin e Shkodrës", tha Qosja.
Radovani: Na informuan banorë të zonës
Prefekti i Shkodrës, Paulin Radovani ka deklaruar se lajmin për rrëzimin e helikopterit e ka marrë nga një banor i zonës. Sipas tij, piloti i cili ka shpëtuar ka thënë se brenda në helikopter ndodhen 2 persona. “Një banor i zonës, thotë se helikopteri ka shpërthyer para se të rrëzohet", tha Radovani.
![helikopteri shkoder](http://www.shqiptarja.com/foto/222897_5.jpg)
(Liqeni ku ka rënë helikopteri) Foto të tjera
(VIDEO:Liqeni ku u rrëzua helikopteri dhe një tjetër helikopter i FA duke patrulluar zonën)
![helikopteri shkoder](http://www.shqiptarja.com/foto/222895_2.jpg)
![helikopteri shkoder](http://www.shqiptarja.com/foto/222896_2.jpg)
![helikopteri kerkime te zona](http://www.shqiptarja.com/foto/222900.jpg)
![helikopteri te zona](http://www.shqiptarja.com/foto/222899.jpg)
(Liqeni ku u rrëzua helikopteri dhe një tjetër helikopter i FA duke patrulluar zonën)
![](https://www.shqiptarja.com/template/img/sh_logo1.png)