I ngjajnë pamjeve në filmave, por është operacioni i forcave policore të Malësisë së Madhe në fshatin Hot. Gjatë operacionit policore të koduar  “Neonët” policia ka zbuluar në bazë dhe të informacioneve paraprake tre mjedise në të cilat kultivohej bimë narkotike e llojit kanabis përmes ndriçimit artificial.

Kultivuesit siç shikohet dhe nga pamjet e momentit të operacionit policor, kishin ndërtuar një njësi të rregullt kultivimi, në të cilen u asgjësuan 1110 bimë e llojit kanabis, për rritjen cilësore të së cilës ishin instaluar 300 llampa, 22 aspirator, 35 ventilator, 11 panele neoni, 22 filtra ajri dhe 217 invertera.

Brenda këtyre ambienteve u zbuluan dhe sekuestruan edhe 1 kilogram e 800 gram kanabis në formen e boçes. Në pranga ranë Lazer Pepaj, 69 vjeç dhe kushëriri i tij, 48-vjeçari Sander Pepaj, ndërsa u shpall në kërkim Kristjan Pepaj, 33 vjeç.

"Nga kontrollet në 3 ambiente (2 banesa dhe një stallë) në fshatin Hot, të përshtatura për kultivimin dhe tharjen e bimëve narkotike kanabis, shërbimet e Policisë gjetën dhe sekuestruan në cilësinë e provës materiale 1110 bimë të dyshuara kanabis, 1 kg e 800 gramë lëndë narkotike kanabis në proces tharjeje, 300 llamba, 22 aspiratorë, 35 veltinatorë, 11 panele neoni, 22 filtra ajri dhe 217 inverterë", njoftoi Policia.

Policia në vijim të hetimeve lidhur me operacionin, bënë me dije se ndaloi punonjësit e OSHEE-së, Gëzim Hoxha, Lodovik Vulaj, Xhuljano Çeraj dhe Adil Selmanaj, të cilët do të hetohen nën dyshimin se lejuan lidhjet e paligjshme të energjise në mjediset ku kultivohej bima narkotike.

A.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera