POP 5

Lajmet më të lexuara të 5 minutave të fundit

Kosova & Rajoni

Mali i Zi përgatitet për zgjedhjet parlamentare, partitë shqiptare në dy koalicione

Në një atmosferë ndryshe nga herët e tjera, Mali i zi përgatitet për zgjedhjet e përgjithshme të cilat do të mbahen ditën e nesërme. Ligji për pronat fetare dhe menaxhimi i krizës së shkaktuar nga Covid-19, do të jenë vendimtar për votën e qytetarëve nesër. Shqiptarët vijnë të unifikuar në 2 koalicione dhe synojnë 2 mandate.

Ka nisur heshtja zgjedhore në Malin e Zi, ndërkohë që nesër qytetarët malazez do t’u drejtohen qendrave të votimit për të zgjedhur parlamentin e ri.

Zgjedhjet mbahen në një kohë tensionesh me Serbinë dhe Kishën Ortodokse, lidhur me ligjin për pronat si dhe në kohë  krizë për shkak të pandemisë së shkaktuar nga Covid-19.

Përballë në këtë proces janë Partia Social Demokrate e Presidentit Gjukanoviç dhe ajo pro-serbe Fronti Demokratik, e cila ka lidhje me të forta me Serbinë dhe Rusinë dhe ka mbështetjen e Kishës Ortodokse Serbe.  I akuzuar nga rivalët për korrupsion dhe lidhje me krimin, presidenti mund të përpiqet të formojë një qeveri mazhoritare.

Në zgjedhjet e nesërme, edhe partitë shqiptare garojnë më të unifikuara se kurrë më parë, vetëm në dy koalicione. Njëri Koalicion i përbërë nga Alternativa Shqiptare, Forca, Lidhja Demokratike Shqiptare, Unioni i Tuzit dhe Perspektiva dhe Koalicioni tjetër përbehet nga Partia Demokratike, Unioni Demokratik i Shqiptarëve, Lidhja Demokratike në Mal të Zi dhe PQSHI. Shqiptarët në këtë proces zgjedhor, synojnë 2 mandate.

Zgjedhjet vinë në një kohë trazirash politike mbi ligjin e fesë, i miratuar vitin e kaluar, që i lejon shtetit të konfiskojë asetet fetare në rast se pronësia historike nuk vërtetohet. Ligj i cili prej muajsh nuk ka hyrë do të në fuqi për shkak të protestave disamujore të udhëhequra nga Kisha Ortodokse, e  mbështetur nga grupi i partive pro-serbe, i njohur si “Aleanca për të ardhmen e Malit të Zi”./Përgatiti Suada Mehmetaj

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00