Autoritetet e Malit të Zi kanë shpallur sërish aktive epideminë e koronavirusit në gjithë territorin e vendit.
Më 2 qershor qeveria malazeze e shpalli të përfunduar epideminë, mirëpo në javët e fundit, numri i personave të infektuar me Covid ka shënuar rritje.
Numri i përgjithshëm i të infektuarve në vend ka arritur në 2381 ndërsa janë regjistruar edhe 35 vdekje.
Urdhëresa e re e autoriteteve shtetërore është shoqëruar edhe me detyrimin për mbajtjen e maskës nga të gjithë, përfshi edhe fëmijët mbi 7 vjeç, në ambientet publike, përveç plazheve dhe parqeve kombëtare, me kushtin e ruajtjes së distancës fizike. Gjithashtu është kufizuar liria e tubimeve, e cila parashikon lejimin e grumbullimeve deri në 40 persona në vende të hapura publike, dhe 20 persona në vende të mbyllura.
Mali i Zi ishte vendi i fundit në Europë që regjistroi rastin e parë me koronavirus më 17 mars dhe i pari që nuk pati asnjë rast të ri për 28 ditë rresht (dy cikle të inkubacionit) teksa vendi shpalli fundin e pandemisë më 2 qershor.
Për shkak të rritjes së numrit të të infektuarve, Bashkimi Evropian e largoi Malin e Zi bashkë me Serbinë nga lista e vendeve të sigurta në të cilat lejohet udhëtimi. Për shkak të përkeqësimit të situatës epidemiologjike, mbajtja e zgjedhjeve parlamentare dhe komunale në katër komuna të Malit të Zi, të planifikuar për 30 gusht, është vënë në pikëpyetje.
Sipas autoriteteve shëndetësore në vend aktualisht ka rreth 1500 raste aktive që do të thotë 232 aktivë për 100 mijë banorë.
Ndërkohë në të gjithë Rajonin e Ballkanit Perëndimorë, pandemia ka shtuar rritmin e përhapjes. Serbia dhe Maqedonia e Veriut çdo ditë raportojnë për shtim të rasteve të infeksionit dhe viktimave. Maqedonia e Veriut deri tani ka 168 raste aktive për 100 mijë banorë, Bosnje Hercegovina 109 raste, Serbia 68, Shqipëria 52, Kroacia 28 dhe Sllovenia 13 raste për 100 000 banorë.
Lajme të tjera
-
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Integrimi në BE/ Kroacia bllokon kapitullin 4 për Malin e Zi, kërkon zgjidhjen e pronësisë së anijes 'Jadran'
14 Dhjetor, 09:50 -
Fotot/ Ministri shqiptar në qeverinë Malazeze, Marash Dukaj, merr çmimin e madh “Grand Albanian Excellence” në Tiranë
12 Dhjetor, 10:08 -
Drejtoria e Arkivave marrëveshje bashkëpunimi me Malin e Zi, Bido: Synojmë të arrijmë standardet ndërkombëtare
6 Dhjetor, 14:28 -
Hapet traseja e rrugës së re Shirokë-Zogaj, shkon deri në pikën kufitare me Malin e Zi (VIDEO)
4 Dhjetor, 16:55 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Hapet traseja e rrugës nga pika kufitare me Malin e Zi deri në Zogaj, Rama: Do të ketë trotuar dhe korsi biçikletash
4 Dhjetor, 11:05 -
Bëri shqiponjën dykrenore më 28 Nëntor, nën hetim ushtari malazez
3 Dhjetor, 13:30 -
Kapet 30 vjeçari nga Mali i Zi në Muriqan! Do ekstradohet në Francë pasi akuzohet për përdhunim dhe kryerje marrëdhenie seksuale me të mitur
29 Nëntor, 11:45 -
'Kosova është Serbi', autorët e mbishkrimit, pjesëtarë të ushtrisë në Mal të Zi
28 Nëntor, 13:06 -
Kickbox/ Skandal në Malin e Zi, arbitri godet me trofe në fytyrë trajnerin kosovar (Video)
24 Nëntor, 11:43
