Mali i Zi, Shqipëria, Kroacia e Bosnja pa drita, Ministri i Energjisë i Malit të Zi del me deklaratë

Podgorice- Ministri i Energjisë dhe Minierave në Malin e Zi Sasha Mujoviç deklaroi se problemi i ndërprerjeve të energjisë elektrike është i natyrës rajonale dhe e quajti dështim rajonal, citon Radio Televizioni i Malit të Zi. 

“Vendet e rajonit janë pa energji elektrike, po flasim për Shqipërinë, Kroacinë dhe Bosnje-Hercegovinën”, thotë ai.

LEXO EDHE:
Tiranë/ Vodhi 300 mijë lekë të vjetra në recepsionin e hotelit ku kishte punuar, në kërkim 17-vjeçari! Momenti kur merr paratë duke kërcënuar punonjësin

Ai shton se operatorët e sistemit të transmisionit janë të fokusuar maksimalisht, edhe pse për momentin nuk dihet ende se ku është faji.

Ne po punojmë për normalizimin e situatës dhe rivendosjen e sistemit”, tha ai.

Mendohet se kjo ka ndodhur për shkak të një ngarkese të madhe.

"Konsumimi është rritur ndjeshëm për shkak të temperaturës së lartë. Në një situatë me temperatura të larta ndodh që ftohja e ajrit të jetë më e dobët, dhe temperaturat e larta bëjnë që linja të bjerë", ka theksuar Mujoviç, duke shtuar se po punohet për të riparuar defektin por nuk dha një kohë të caktuar se kur do të rikthehet normalisht energjia.

Lajmi kryesor:

Shqipëria në 'black out' total për 30 minuta, ndërprerje edhe në Mal të Zi, Bosnje e Kroaci! Balluku: Ende jemi në rrezikshmërie të lartë! OST: Defekti nga Greqia nga temperaturat ektreme

S.G/xy/Shqiptarja.com

TAG:
• Kroaci
• Bosnje Hercegovina
• mal i zi
• Tirane
• black out