Manastirliu nga Durrësi: Subjektet private të kenë kujdes me kushtet, do të ketë penalizime

Në bregdetin e Durrësit do të jenë 6 qendra shëndetësore sezonale, në shërbim të pushuesve të cilët do të kenë nevojë për këtë shërbim. Njërën prej tyre, stacionuar në zonën e Currilave, e ka inspektuar nga afër paraditen e sotme, ministrja e Shëndetësise, Ogerta Manastirliu. Sipas njoftimit të shpërndarë nga Ministria e Shëndetësisë thuhet se qendrat shëndetësore do të jenë në funksion të plotë në 24 orë në 7 ditë, me personel të posaçëm dhe të shtuar enkas për përballimin e fluksit veror si dhe me medikamentet e nevojshme. 

Nuk do të ketë tolerime për asnjë nga subjektet private që operojnë përgjatë vijës bregdetare, që do të konstatohen se nuk plotësojnë kriteret e duhura higjeno-sanitare. Për to do të ketë paralajmërime, penalizime deri në mbylljen e tyre.

Ministrja e Shëndetësisë, Ogerta Manastirlliu

Një tjetër pikë e kontrollit ishte dezinfektimi i hapësirave publike. Pickimi nga mushkonjat që janë jo vetëm bezdisëse por më shumë problematike në drejtim të baktereve që mund të shpërndajnë, pritet të marrë fund brenda pak ditësh.


Ministrja e Shendetësisë Ogerta Manastirlliu gjatë inspektimit në plazhin e Durrësit

Grupet e emergjencës, një pjesë e të cilëve janë vullnetarë kanë demonstruar para autoriteve dhe plazhistëve në zonën e plazhit tek Sfinksi dhënien e ndihmës së parë tek një person i cili mund të ketë pësuar fraktura apo rrezik mbytjeje në det. 

Prefekti i Durrësit Roland Nasto dhe kreu i Shëndetit Publik Kristo Huta i kanë bërë me dije ministres masat e marra nga të gjithë institucionet në Durrës.

LEXO EDHE:
Zjarri në urgjencën e QSUT, 30 milionë lekë rehabilitimi! Ministrja Koçiu në Komisionin e Shëndetësisë: Brenda majit kthehet funksioni

TAG:
• ogerta manastirliu
• ministria e shendetesise

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19%

• Jo

  72.4%

• Nuk e di

  8.6%

Vota total: 2203

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di