Golin e vetëm të ndeshjes për ekipin spanjoll e shënoi kroati Rakitic. Barcelona, por edhe City kishin shumë mundësi të tjera për të shënuar, por deri në fund mbeti në fuqi goli i Rakitic. Surprizë ishte kualifikimi i Juventusit, që e shoqëroi me fitoren 0-3 në Gjermani.
Fillimisht ishte Tevez që shënoi një super gol me një silurë jashtë zone. Ndërsa në pjesën e dytë spanjolli Alvaro Morata shënoi duke vulosur kalimin e Juventusit në turin tjetër. Në fund Tevez plotësoi dopietën personale.
Kështu edhe këtë edicion Manchester City dhe Dortmundi duhet t’i japin lamtumirën Champions League me duart bosh edhe pse kanë bërë një paraqitje të mirë. Tashmë pritet hedhja e shortit për çerekfinalet ditën e premte në Nion të Zvicrës, ku priten përballje të forta, pasi vetëm Monaco është ekip më i lehtë në letër.
d.b/shqiptarja.com