Mandija, zv/kryeministrja
teknike në gjyqe me Edi Ramën

TIRANE-Ish-avokatja e Shtetit Ledina Mandija do të jetë zv/kryeministrja e vendit deri në muajin shtator kur është edhe afati i krijimit të qeverisë së re.
 
Por 43-vjeçarja nuk është një emër i panjohur për kryeministrin Edi Rama për shkak se ai e ka shkarkuar atë, menjëherë pasi Partia Socialiste erdhi në pushtet në vitin 2013.
 
Ledina Mandija ka mbajtur detyrën e Avokatit të Shtetit nga viti 2007 deri më 7 tetor 2013, kur kryeministri Edi Rama firmosi largimin nga detyra.
 
Por ish Avokatja e Shtetit nuk e ka përtypur këtë shkarkim ndaj e ka pditur kryeministrin në Gjykatë.
Padia u dorëzuar në Gjykatën Administrative, ku ajo kërkoi rikthimin në detyrë dhe dëmshpërblimin me paga për kohën që ka qenë pa punë.
E ndërsa deri vitin e kaluar proceset gjyqësore kanë qenë ende të hapura, Mandija sot do të përballet gati çdo ditë më Edi Ramën, pasi do të jetë zv/kryeministrja teknike e propozuar nga opozita.
Përderisa propozimi mbi emrin e saj ka kaluar fazat e dekretimit, do të thotë që kryeministri Edi Rama e ka pranuar atë në kabinetin e tij qeverisë për këta muaj.

Sot padia e Mandijës kaloi edhe në Gjykatën e Lartë vetëm për shkak të procedurës gjyqësore.
 
Në shkallën e parë ka fituar Mandija. Në shkallën e dytë, ajo ka humbur. Kështu, çështja ka përfunduar në Gjykatën e Lartë ku Ledina Mandija e ka fituar përballjen proceduriale me Edi Ramën. Në këtë pikë, çështja është kthyer sërish në Administrative.

Por kjo nuk e do a ndalë atë të bëjë detyrën në kabinetin Rama si ‘kujdestare’ deri në përfundimin e procesit të zgjedhjeve dhe jo më të informojë Ramën mbi cdo pakënaqësi e padrejtësi që mund të hasë gjatë këtyre ditëve.
 


(Gjyqet e Ledina Mandijes per rikthimin ne pune pas shkarkimit nga Edi Rama)

(d.b/Shqiptarja.com)