POP 5

Lajmet më të lexuara të 5 minutave të fundit

Politikë

Maqedoni,dënohen 4 aktivistë AK:
Diplomacia shqiptare e gjunjëzua

Aleanca Kuq e Zi ka dënuar sot ashpër dënimin e katër shqiptarëve në Maqedoni, të cilët gjykata i ka dënuar më një vit burg nën akuzën për nxitje të urrejtjes rracore dhe prishje të rendit.
TIRANE - Aleanca Kuq e Zi ka dënuar sot më forcë dhe ashpër dënimin e katër bashkëatdhetarëve shqiptarë në Maqedoni, të cilët gjykata i ka dënuar më një vit burg nën akuzën për nxitje të urrejtjes rracore dhe prishje të rendit kushtetues. AK u shpreh se Tirana zyrtare nuk reagoi asnjëherë në mbrojtje të të drejtave të shqiptarëve në trojet e tyre etnike duke shkelur për të qindërtën herë Kushtetutën e Republikës së Shqipërisë.

Valon Kurtishi, Rinor Sllova, Petrit Ibrahimi dhe Tonus Papraniku janë katër shqiptarë të cilët vizatuan me rastin e 99-vjetorit, më 28 nëntor 2011 hartën e Shqipërisë etnike në qytetin e Tetovës, të cilëtu shpallën fajtorë dhe tani janë detyruar të fshijnë hartën e Shqipërisë etnike.

Sipas AK-së “për këtë akt katër shqiptarët e Maqedonisë që janë drejtues të degës së AK-së në Maqedoni, për një vit me rradhë u kërcënuan fizikisht dhe verbalisht nga autoritetet policore dhe shërbimet sekrete maqedonase. Katër drejtuesit e Aleancës Kuq e Zi u ndaluan dhe u morën në pyetje gjatë 365 ditëve të fundit më shumë së 50 herë, nuk u lejuan të kalojnë kufirin drejtë Shqipërisë dhe nën presion iu kërkua shumë herë të fshnin hartën e Shqipërisë Etnike, të vizatuar me rastin e 99 vjetorit të festës së pavarësisë së Shqipërisë”.

AK thekson se “në këto 365 ditë autoritetet diplomatike të Tiranës zyrtare nuk reaguan asnjëherë në mbrojtje të të drejtave të shqiptarëve në trojet e tyre etnike duke shkelur për të qindërtën herë Kushtetutën e Republikës së Shqipërisë që detyron shtetin Shqiptarë të mbrojë interesat e shqiptarëve brenda dhe jashtë kufijve”.

“Aleanca Kuq e Zi shpreh keqardhjen që diplomacia e gjunjëzuar e shtetasit Sali Berisha nuk i doli kurrë për Zot dhe në mbrojtje të bashkombasve tanë në trojet e tyre etnike. Në Shqipërinë veriore shqiptarët kërcënohen për themelim të “Republika Sërbska’s”, në Shqipërinë jugore me qindra shqiptarë nuk lejohen të kalojnë kufirin nga policia tekanjose e Greqisë, në Shipërinë juglindore shqiptarët arrestohen dhe kërcënohen dhe dënohen me burg për vizatimin e hartës së Shqipërisë etnike. Çfarë bën shteti shqiptarë për bashkombasit e tij, vetëm hesht dhe asgjë më shumë”, thuhet në njoftimin për shtyp të AK-së.

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze