POP 5

Lajmet më të lexuara të 5 minutave të fundit

Kosova & Rajoni

Shëndeti

Maqedoni e Veriut regjistron dy të vdekur nga COVID-19! Numri i të infektuar 200 më i lartë se i të shëruarve

Sipas të dhënave të Ministrisë së Shëndetësisë, numri i personave të infektuar është rreth 200 më i lartë se i të shëruarve

Maqedoni e Veriut regjistron dy të vdekur nga COVID-19! Numri i të infektuar 200 më i lartë se i të shëruarve

Ministria e Shëndetësisë e Maqedonisë së Veriut edhe sot ka regjistruar shifra të larta të të infektuarve me koronavirusin e ri, që shkakton sëmundjen COVID-19.

Ministri i Shëndetësisë Venko Filipçe, ka njoftuar për 164 të infektuar dhe dy të vdekur nga koronavirusi në 24 orët e fundit.

Viktimat janë nga Shkupi dhe Tetova të moshës 53 dhe 60 vjeç, të cilët vuanin edhe nga sëmundje tjera kronike, si sëmundje të zemrës, diabeti dhe tensioni i lartë.

Me shifrat e fundit, numri i përgjithshëm i të vdekurve nga COVID-19 ka arritur në 171 persona, prej tyre vetëm në Shkup janë regjistruar 47 viktima dhe nga 27 në Kumanovë dhe Tetovë.

Sa i përket të infektuarve, nga 164 rastet, vetëm në Shkup janë regjistruar 85 raste, 24 në Kumanovë, 18 në Tetovë ndërsa në 14 qytete tjera numri është më u ulët se dhjetë raste.

Për herë të pas gati dy muajve, tre raste janë regjistruar në qytetin e Dibrës, qytet ku u regjistruan rastet e para me koronavirus në Maqedoninë e Veriut.

Gjendja e të infektuarve është stabile, sipas drejtuesve të Klinikës Infektive në Shkup. Në këtë spital aktualisht po trajtohen më shumë se 90 persona.

Sipas të dhënave të Ministrisë së Shëndetësisë, numri i personave të infektuar është për rreth 200 më i lartë se i të shëruarve. Prej 3,701 personave që kanë rezultuar pozitivë me COVID-19, tani raste aktive janë 1,836, ndërsa janë shëruar 1,694 persona.

Të dhënat i referohen testimit të 1,045 mostrave, ndërsa numri i përgjithshëm i testimeve të bëra në Maqedoninë e Veriut, ka arritur në mbi 41,000

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03