Maqedoni, revoltohen
ish-të burgosurit padisin qeverinë
Shoqata e ish-të Burgosurve dhe të Persekuturave Politikë Shqiptarë në Maqedoni ka vendosur të padisë qeverinë maqedonase për shkak të statusit të tyre që ende nuk është zgjidhur.
SHKUP- Shoqata e ish-të Burgosurve dhe të Persekuturave Politikë Shqiptarë në Maqedoni ka vendosur të padisë qeverinë maqedonase për shkak të statusit të tyre që ende nuk është zgjidhur. Kjo shoqatë ka bërë të ditur se ky është një vendim i prerë nga ana e tyre dhe se do të vihen në lëvizje jo më vonë se në javën e ardhëshme. Kryetari i kësaj shoqate, Shpëtim Pollozhani, thekson se shqiptarët e Maqedonisë, të cilët ishin viktimë e sistemit të kaluar, ende mbeten pa njohjen e plotë të statusit të të burgosurve dhe të të përndjekurve politikë, si pasojë e angazhimit të pamjaftueshëm të partive politike shqiptare të Maqedonisë. Ai ka theksuar: “Propozim-ligji ynë për zgjidhjen e statusit të ish të burgosurve politikë, është dorëzuar nga shoqata jonë që nga viti 2005 në Parlament. Ne shfrytëzojmë një të drejtë qytetare dhe për realizimin e kësaj të drejte, do të shkojmë me ngritjen e padive private”. Më tej ai ka shtuar se, paditë private do t`i dorëzojnë pranë gjyqeve civile dhe dorëzimin e padive do ta përmbyllin me një protestë në qendër të Shkupit. Më tej ai ka sqaruar se, kundrejt zhdëmtimit, problem shumë të madh paraqet mbetja në fuqi e vendimeve të shqiptuara gjyqësore në kohën e ish-regjimit, duke zbatuar direktivat e pushtetit të kaluar, që tani organet gjyqësore nuk i shfuqizojnë, respektivisht nuk i shpallin si vendime pa vlerë juridike. Padi private do të ngrenë edhe familjarët e ish të burgosurve politikë, që tashmë nuk janë në mesin e të gjallëve. Ndërkohë që partia shqiptare në Maqedoni që aktualisht ndodhet në në pushtet, BDI, konsideron se zgjidhja e kësaj çështjeje është e përfshirë në kuadër të Ligjit për lustrim, që është në procedurë parlamentare. Por, me zgjidhjet që parashihen në ligjin e propozuar, nuk pajtohet Shoqata e ish të Burgosurve Politikë. Shoqata ka gjetur mbështetje të fuqishme nga ana e organizatave joqeveritare, ajo e Historianëve Shqiptarë, si dhe nga intelektualë të pavarur.
(s.ç/ shqiptarja.com)
Sondazhi i ditës:
Ku po i kaloni pushimet e verës?
-
Në Shqipëri
48.8%
-
Jashtë
18.1%
-
Nuk lëviz
33.1%
Vota total: 2071
Votat totale janë unike
Lajme të tjera
-
A është sëmurë? Orinda Huta sqaron njëherë e mirë aludimet për shëndetin e Turit
7 Gusht, 22:50
-
12 vjeçari në Kosovë gjen kuletën me 2500 €, ia kthen policisë
7 Gusht, 22:42
-
Sara Gjordeni zbulon raportin me nënën e Bardhit: Ka shpresuar që unë të isha me djalin e saj
7 Gusht, 22:37
-
Elon Musk: Kamala Harris është një komuniste
7 Gusht, 22:31
-
SHBA, Qeverisë së Kosovës: Veprimet e pakoordinuara rrezikojnë mundësitë që e ndihmuam t’i krijojë
7 Gusht, 22:31
-
Egjipti u kërkon kompanive të veta ajrore ta shmangin hapësirën ajrore të Iranit të enjten
7 Gusht, 22:21
-
I gjuajti me grusht kryeministres daneze, polaku: Nuk mbaj mend, isha shumë i dehur
7 Gusht, 22:04
-
Veton Surroi: Si e sheh inteligjenca artificiale Ballkanin Perëndimor më 2030
7 Gusht, 21:55
-
Prej 20 vitesh në arrati, mediat italiane i bëjnë jehonë shqiptarit që u kap në Vlorë, në pritje për t'u ekstraduar
7 Gusht, 21:51
-
200 mijë euro në vit! Italia dyfishon taksën e sheshtë për të pasurit që marrin rezidencë në këtë shtet
7 Gusht, 21:44
-
Arkimed Lushaj i drejtohet ministres së Kosovës pas urdhër arrestit: 500 forca policore ishin tek shtëpia ime, a jeni normal ju (VIDEO)
7 Gusht, 21:32
-
Ministri i jashtëm izraelit bën thirrje për vrasjen e udhëheqësit të ri të Hamasit
7 Gusht, 21:23