"Jemi të informuar që ka thirrje për demonstrata në tërë vendin gjatë ditës së premte dhe të shtunë në lidhje me vrasjen e pesë personave muajin e kaluar në afërsi të fshatit Smillkovci. Derisa e drejta për t’u grumbulluar dhe për të shprehur mendimin në mënyrë të qetë duhet respektuar, ne edhe më tej ftojmë qytetarët që të shprehin mendimin e tyre në mënyrë paqësore, të qetë si dhe të lejojnë zbatimin e procesit ligjor për këtë çështje në pajtim me ligjet dhe procedurat ligjore të Maqedonisë", thuhet në njoftimin e ambasadës së SHBA.
Përfaqësues të shqiptarëve kanë paralajmëruar për nesër zhvillimin e protestave paqësore në Shkup, Tetovë, Kumanovë, Gostivar, Strugë dhe qytete tjera për të shprehur reagimin lidhur me operacionin policor dhe arrestimet e shqiptarëve për vrasjen e pesëfishtë në Smilkovc të Shkupit.
Ndërkaq një ditë më pas, të shtunën, përfaqësues të komunitetit maqedonas kanë paralajmëruar një protestë paqësore para qeverisë për të kërkuar dënimin e autorëve të vrasjes së pesëfishtë.
(jd/shqiptarja.com)