Maqedonia pa koalicion, Zaev do
mandatin për të krijuar qeverinë

Maqedonia pa koalicion, Zaev do<br />mandatin për të krijuar qeverinë
Maqedonia sërish është në udhëkryq dhe ende pa qeveri.

Pas përfundimit të afatit për arritjen e një marrëveshjeje për formimin e qeverisë, partia e cila fitoi shumicën e votave në zgjedhjet e11 dhjetorit VMRO-DPMNE-ja ka reaguar me anë të një deklarate për situatën politike në vend, duke kërkuar zgjedhje të reja.

Sipas VMRO-DPMNE-së, zgjedhjet janë e vetmja zgjidhje për krizën politike që ka pushuar vendin.

VMRO-DPMNE së bashku me Koalicionin Për Maqedoni më të mirë, si fitues i zgjedhjeve të fundit, beson se formimi i qeverisë duhet të synoje mbylljen e krizës politike, e jo rritjen e saj dhe e konsideron se mbajtja e zgjedhjeve të reja është vendimi i pjekur për tejkalimin e krizës dhe për caktimin e prioriteteve për reforma në plan të parë. Çdo zgjidhje tjetër vetëm do të çojë në konflikte të reja dhe probleme tjera”, shkruhet në deklaratën e VMRO-DPMNE-së.

BDI-ja e Ali Ahmetit nuk iu pergjigj pozitivisht fteses se Gruevskit, pavarësisht se VMRO-DMPNE kishte pranuar platformën shqiptare të vendosur në tryezën e bisedimeve, duke i ofruar edhe 8 ministri si dhe kreun e Kuvendit.

"Ne kemi pasur pesë opsione. Ne kemi diskutuar edhe me miqtë tanë ndërkombëtarë. Në mënyrë unanime kemi vendosur që të vazhdojmë debatet e brendshme në BDI edhe në ditët në vazhdim pasi debati nuk mund të kryhet sonte. Nuk kemi argumente për të sjellë vendim", deklaroi Bujar Osmani, zëdhënës i BDI-së.

Në bazë të kushtetutës së Maqedonisë  ende nuk dihet nëse mandati për formimin e qeverisë do t’i kalojë partisë LSDM-së së Zoran Zaev dhe nëse BDI do të krijonte koalicion me partinë majtise të Zaev.

Redaksia Online
l.q/Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut