Maradonën e zë gjumi gjatë fjalimit
në Venezuelë të Presidentit Maduro

Legjenda e futbollit argjentinas dhe botëror, Maradona bën gjithmonë që të flitet për të edhe kur është i ftuar për ngjarje që nuk kanë shumë lidhje me atë që ai njihet në mbarë botën.

Maradona teksa ndodhej në Venezuelë gjatë festimeve ushtarake për 190 vjetorin e betejës së Ayacuchos, që i dha fund dominimit spanjoll në Amerikën e Jugut, sulmuesi i lodhur nga fjalimi i gjatë i presidentit Nicolas Maduro është fiksuar nga kamerat duke dremitur.

E ndërsa presidenti Nicolas Maduro po cilësonte Maradonën si një rebel dhe që shoqëron popujt në luftën e tyre për drejtësinë dhe për të vërtetën, argjentinasi as nuk i ka dëgjuar, pasi po dremiste. Videoja ka bërë xhiron e botës duke marrë miliona klikime.

Theksojmë që Maradona është shumë i lidhur me Venezuelën pasi ka qenë një mik i madh i ish presidentit Hugo Chavez.


d.b/shqiptarja.com