"Maria" godet Porto Rikon, Trump
shpall gjendjen e jashtëzakonshme

Uragani Maria goditi sot Porto Rikon, me fuqinë e një stuhije të kategorisë 4 me erëra me shpejtësi 220 km/orë dhe  shira të dendur që kërcënojnë këtë zonë me përmbytje dhe rrëshqitje dheu vdekjeprurëse.

Epiqendra e uraganit pritet të kalojë mbi Porto Riko dhe më pas të lëvizë drejt Oqeanit Atlantik në mbrëmje sonte, duke goditur Republikën Domenikane nesër në mëngjes.

Guvernatori i Porto Rikos, Rikardo Rossello tha se “janë të pashmangshme dëmet masive” në këtë territor dhe se zyrtarët kanë përgatitur 500 mjedise që do të shërbejnë si strehime për mbi 100 mijë banorë.

Presidenti Donald Trump ka shpallur gjendjen e jashtëzakonshme në Porto Riko dhe Ishujt e Virgjër amerikanë dhe ka autorizuar Departamentin e Sigurisë Kombëtare dhe Agjencinë e Menaxhimit të Emergjencave të koordinojnë përpjekjet e ndihmave.

Para se të mbërrinte në Porto Riko, uragani Maria goditi ishullin Domenika, ku sipas zyrtarëve ka lënë pas shkatërrime masive.

Stuhia e kategorisë 5 ka shkaktuar tashmë dëme kolosale në ishullin Dominik të Karaibeve.

Stuhia është duke lëvizur përafërsisht përgjatë së njëjtës rrugë si “Irma”,  uragani tjetër i një jave më parë.

Zyrtarët kanë frikë se mbeturinat e mbetura nga “Irma” në fillim të këtij muaji tani mund të rezultojnë jashtëzakonisht të rrezikshme në erërat e "Maria".

Ka gjithashtu shqetësime se shiu i dendur mund të shkaktojë rrëshqitje të dheut në disa vende dhe se një rritje e parashikuar e stuhisë deri në 2.7 metra mund të përmbysë zonat e ulëta.

Porto-Riko ka qenë një strehë për njerëzit që iknin nga ishujt e tjerë të Karaibeve të shkatërruar nga stuhia gjatë javëve të fundit.

Ish kolonia britanike, e cila ka një popullsi prej 72,000 dhe është më pak se 50 km e gjatë dhe 25 km e gjerë, i shpëtoi të keqes së uraganit Irma” dy javë më parë.

Por të hënën vorbulla e stuhisë së kategorisë 5 kaloi direkt mbi të, duke e lënë ishullin pa komunikim.


Redaksia Online
a.dr/shqiptarja.com