Princi saudit i kurorës, Mohammed bin Salman priti sot presidentin kinez Xi Jinping, ndërsa udhëheqësi kinez paralajmëroi “një epokë të re” në marrëdhëniet me arabët. Presidentit kinez iu ofrua një pritje luksoze, që sinjalizon interesin e Riadit për thellimin e lidhjeve me Pekinin, pavarësisht paralajmërimeve nga SHBA-të.
Anëtarët e Gardës Mbretërore Saudite të hipur mbi kuaj arabë dhe me flamuj kinezë dhe sauditë shoqëruan makinën e zotit Xi teksa hynte në pallatin mbretëror në Riad, ku princi Mohammed, sundimtari de fakto i vendit të pasur me naftë, e përshëndeti atë me një buzëqeshje të ngrohtë.
Ceremonia ishte tërësisht ndryshe nga pritja e ftohtë që iu bë në korrik presidentit amerikan, Joe Biden, marrëdhëniet me të cilin janë ftohur pas vrasjes së Jamal Khashoggit nga sauditët në vitin 2018 dhe për shkak të politikës energjetike saudite.
Ndërsa lidhjet e Uashingtonit me Riadin janë në nivelin më të ulët dhe duke parë me kujdes ndikimin në rritje të Kinës, zyrtarë amerikan thanë të mërkurën se vizita ishte një shembull i përpjekjeve kineze për të ushtruar ndikim në mbarë botën dhe se kjo vizitë nuk do të ndryshonte politikën e SHBA-së ndaj Lindjes së Mesme.
Në një opinion të botuar në mediat saudite, presidenti Xi tha se ishte në një “udhëtim të pashembullt” për të “nisur një epokë të re të marrëdhënieve të Kinës me botën arabe, vendet arabe të Gjirit dhe Arabinë Saudite”.
Presidenti kinez do të takohet të premten me vendet e tjera të Gjirit që prodhojnë naftë dhe do të marrë pjesë në një mbledhje më të gjerë të udhëheqësve arabë. Zoti Xi tha se këto shtete janë një “thesar energjie për ekonominë botërore... dhe janë tokë pjellore për zhvillimin e industrive të teknologjisë së lartë”.
Arabia Saudite dhe shtetet e tjera të Gjirit, si Emiratet e Bashkuara Arabe, kanë thënë se nuk do të mbanin anë midis fuqive globale dhe po kërkonin për partnerë të rinj për t'i shërbyer interesave të tyre kombëtare për ekonominë dhe sigurinë.
“Partner i besuar”
Kina është konsumatori më i madh i energjisë në botë dhe një partner i madh tregtar i shteteve të Gjirit. Ministri saudit i energjisë të mërkurën tha se Riadi do të mbetet një partner energjie “i besueshëm” për Pekinin dhe se të dy do të rrisin bashkëpunimin në zinxhirët e furnizimit me energji duke krijuar një qendër rajonale në mbretëri për fabrikat kineze.
Firmat kineze dhe saudite nënshkruan gjithashtu 34 marrëveshje për investime në energjinë e gjelbër, teknologjinë e informacionit, transportin, ndërtimin dhe sektorë të tjerë, njoftoi agjencia shtetërore saudite e lajmeve SPA. Në njoftim nuk u dhanë shifra të sakta, por më parë ishte raportuar se të dy vendet do të nënshkruanin marrëveshje fillestare me vlerë prej 30 miliardë dollarësh./VOA
Komente
Lajme të tjera
-
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Publikohet emri dhe fotoja e spiunit kinez me të cilin dyshohet se ka bashkëpunuar Princi Andrew
16 Dhjetor, 17:20 -
BE-ja miraton sanksione të reja ndaj Rusisë, përfshin edhe entitete kineze
16 Dhjetor, 14:31 -
‘Lufta’ tregtare, Kina përgatitet për negociata me SHBA
13 Dhjetor, 13:56
-
Konfirmohen akuzat për korrupsion dhe trukim ndeshjesh, Kina burgos me 20 vite ish-trajnerin e kombëtares
13 Dhjetor, 11:30 -
Trump fton në inaugurimin e tij udhëheqësin kinez Xi Jiping
12 Dhjetor, 20:16 -
SHBA/ Ceremonia e betimit në janar, Trump nuk fton Putin, por i dërgon ftesë presidentit kinez
12 Dhjetor, 16:44 -
Trump nuk e ka ftuar Putinin në ceremoninë e betimit si president i SHBA
12 Dhjetor, 13:42 -
Presidenti kinez: Lufta tregtare me SHBA-në nuk do të ketë fitues
10 Dhjetor, 08:18 -
Anketimi: Shumica e amerikanëve dëshirojnë rolin drejtues të Shteteve të Bashkuara në skenën globale
7 Dhjetor, 15:29 -
Hetimi i Kongresit amerikan mbi Covid-19: Jo virus natyral, rrodhi nga laboratori i Wuhan-it në Kinë
4 Dhjetor, 18:42 -
SHBA, kufizon eskportet e pajisjeve që mund të përdorë Kina për armatimet
2 Dhjetor, 23:00
epoka e re ka nisur, europa dhe amerika jan thjesht spektator, nuk i llogarit me njeri, e ardhmja esht euroazia me ne krye BRICS
Përgjigju