POP 5

Lajmet më të lexuara të 5 minutave të fundit

Kronikë

Marrëveshja me Italinë/ Anija 'Cassiopea' sjell 49 emigrantë të paligjshëm në Shëngjin! 4 prej tyre do kthehen mbrapsht (VIDEO)

Anija e marinës italiane “Cassiopea” mbërriti sot në portin e Shëngjinit me 49 emigrantë të shpëtuar në ujërat ndërkombëtare në jug të Lampedusës. Ky është kontingjenti i trete i emigrantëve që Italia sjell në vendin tonë.

LEZHË-  Katër nga 49 emigrantët që mbërritën sot në Shëngjin do të dërgohen në Itali mbrëmjen e sotme. Sipas burimeve bëhet fjalë për tre emigrantë të mitur dhe një të rritur vulnerabël që do të kthehen në shtetin italian.

Ata mbërritën mëngjesin e sotëm (28 janar 2025) në Shqipëri së bashku me 45 emigrantë të tjerë me anijen ushtarake italiane “Cassiopea”, të cilët pas procedurave te verifikimit do te dërgohen ne kampin e Gjadrit.

Mbërritja në portin e Shëngjinit

Të shoqëruar nga karabinierët italianë dhe në grupe të vogla, emigrantët ecën në këmbë me qeset e rrobave në duar derisa mbërritën në kalatën e portit. Anija e marinës italiane mbërriti në port rreth orës 07.30 ndërsa zbarkimi zgjati plot tre orë, deri në 10:30.

Emigrantët, shumica nga Bangladeshi të tjerë nga Egjipti, Bregu i Fildishtë dhe Gambia do t'i nënshtrohen procedurave të përshpejtuara kufitare të parashikuara për ata që vijnë nga vende të sigurta dhe që nuk kanë dorëzuar dokumentet e identitetit. Ndalesa e parë e tyre është qendra pritëse brenda portit ku kryhet kontrolli shëndetësor nga ku ka rezultuar që 4 prej tyre duhet të kthehen në Itali brenda mbrëmjes së sotme.

Kjo është e njëjta procedurë sic ka ndodhur në tetorin dhe nëntorin e vitit të kaluar.

Pasi emigrantët të kenë ngrënë dhe të jenë pajisur me rroba të reja, do të nisë identifikimi i tyre dhe më pas destinacioni përfundimtar është kampi i Gjadrit në Lezhe, disa kilometra larg Shëngjinit.

Në kampin e Gjadrit emigrantët pritet të kalojnë disa javë në pritje të shqyrtimit të kërkesave për azil nga zyra emigracionit në Itali.

Riaktivizimi i marrëveshjes Itali-Shqipëri vjen pas një pauze rreth dy muajsh. Në dy rastet e mëparshme emigrantët u kthyen mbrapsht për shkak të vendimeve të Gjykatës në Romë. Sipas vendimit të fundivitit të shkuar të gjykatës së kasacionit në Itali, lista e vendeve të sigurta është një kompetencë e qeverisë, çka i jep liri momentalisht ekzekutivit italian të veprojë sipas planeve të tij. Në lidhje me çështjen e emigrantëve, pritet të jepet një vendim edhe nga gjykata europiane e drejtësisë në 25 shkurt.

Rendit zhvillimet sipas orarit:
Ora 18:51
Emigrantët në Shëngjin, 4 prej tyre do kthehen mbrëmjen e sotme në Itali, ja arsyeja

TIRANE- Katër nga 49 emigrantët që mbërritën sot në Shëngjin do të dërgohen në Itali mbrëmjen e sotme.

Sipas burimeve bëhet fjalë për tre emigrantë të mitur dhe një të rritur vulnerabël që do të kthehen në shtetin italian

.Ata mbërritën mëngjesin e sotëm në Shqipëri së bashku me 45 emigrantë të tjerë me anijen ushtarake italiane “Cassiopea”, ndërsa pa procedurave te verifikimit do te dërgohen ne kampin e Gjadrit.

Grupi i tretë i emigrantëve të paligjshëm që mbërriti këtë të martë në Shqipëri erdhi pas 2 muajsh pezullim për shkak të vendimeve të gjykatave në Itali që urdhëruan në dy rastet e para, dërgimin e emigrantëve në vendin fqinj.Kjo pasi Gjykata e Romës nuk konfirmoi si të ligjshëm ndalimin e tyre. Emigrantët e paligjshëm mbërritën në Shqipëri në kuadër të marrëveshjes Rama-Meloni firmosur në nëntor 2023.

S.G/Shqiptarja.com

Ora 11:46
VIDEO/ Me qese të mbushura me rroba, zbresin nga anija italiane 49 emigrantët që do të akomodohen në kampin e Gjadrit

Kanë zbritur nga anija italiane “Casiopea” në portin e Shëngjinit 49 emigrantët e paligjshëm nga Egjipti dhe Bangladeshi.

Nga pamjet që sjell Report Tv, emigrantët shihen me rroba e qese në duar, teksa në radhë shkojnë drejt qendrën pritëse, ku do t’i nënshtrohen procedurave të verifikimit dhe kontrollit shëndetësor.

Ky është grupi më i madh i emigrantëve që zbarkojnë në vendin tonë, që pas nisjes së zbatimit të marrëveshjes Itali – Shqipëri, pas një ndalese prej rreth dy muajsh.

SI.E./Shqiptarja.com

Xh.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Administrata amerikane po shqyrton dëbimin e parakohshëm të emigrantëve nga Venezuela

Administrata amerikane po shqyrton dëbimin e parakohshëm të emigrantëve nga Venezuela

29 Janar, 22:58