LEZHË- Kampi i refugjatëve në Gjadër të Lezhës nuk pritet të jetë gati as deri në fund të muajit shtator siç ishte parashikuar. Punëtorë dhe mjete po punojnë përgjatë 24 orëve, por ka ende shumë punë për përfundimin e kësaj strukture brenda bazës ushtarake të Gjadrit.
Në pamjet me dron që sjell Report Tv duket qartë se pjesa më e madhe e dy strukturave kanë përfunduar dhe aktualisht po punohet për rrethimin, sistemimin e ambienteve të brendshme dhe lidhjen e energjisë elektrike dhe sistemit të kanalizimeve. Ndërkohë prej disa ditësh në Gjadër kanë mbërritur dhe karabinierët italianë, të cilët janë vendosur në hyrjen kryesore të kësaj strukture duke rritur dhe nivelin e sigurisë, pavarësisht se punimet ende nuk kanë përfunduar.
Filmimet brenda ambienteve të kampit janë të ndaluara e po ashtu dhe prania e personave të autorizuar në ambientet përreth kampit. Për të garantuar sigurinë autoritetet italiane po bashkëpunojnë dhe me Policinë e Lezhës, ku kjo e fundit do të ketë në varësi ambientet përreth kampit të cilat do të ruhen përmes një strukture të posaçme e cila do të ngrihet për këtë qëllim në Drejtorinë Vendore të Policisë Lezhë.
Qendra ishte planifikuar të hapej më 1 shtator, kur do vinin dhe refugjatët e parë, por për shkak të vonesave në punime, hapja është shtyrë. Dy ditë më parë, ministri i Brendshëm italian, Matteo Piantedosi tha se pritet që kampi të hapet në muajin tetor.
“Me qendrat e emigrantëve në Shqipëri do të fillojmë në tetor. Sigurisht që ka pasur një vonesë prej disa muajsh, fillimisht hapja ishte planifikuar për në majin e kaluar, ka pasur kontrolle normale. Kjo është e gjitha”, tha ministri italian.
Më herët autoritetet italiane kishin shpërndarë edhe një rregullore etike apo sjelljeje për efektivët dhe punonjësit, ku binte në sy ajo e mosafrimit me gratë shqiptare, karakterin e vendasve, si dhe sjelljen në lokale apo bisedat, sepse shumica e shqiptarëve dinin italisht.
Marrëveshja Shqipëri-Itali për emigrantët është arritur në 6 nëntor të vitit 2023. Marrëveshja është fillimisht për pesë vjet dhe është planifikuar për të pritur 3.000 emigrantëve në vit.
Lajme të tjera
-
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
E rëndë në Kurbin/ 61-vjeçari bie në makinerinë e përpunimit të inerteve, humb jetën te Trauma! Ishte i pastrehë, tërmeti i shembi shtëpinë
23 Nëntor, 09:34 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq/ Shiu i dendur krijon vështirësi për lëvizjen në autostradën Lezhë-Thumanë
22 Nëntor, 17:04 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Moti i keq në Lezhë, stuhia dëmton linjat e energjisë elektrike, disa fshatra pa drita! Vijon i pezulluar lundrimi në Shëngjin
22 Nëntor, 09:09 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06
