Përforcimi cilësor për vitin 2026 ka një emër specifik në mendjen e Luciano Spallettit dhe ai është Sandro Tonali. Trajneri i Juventusit (i cili është gjithashtu i interesuar për Davide Frattesin e Interit) e ka identifikuar ish-mesfushorin e Milanit si lojtarin kyç për të synuar vendin e parë në formacionin titullar te Juventusi.

Një operacion kompleks dhe i kushtueshëm, të cilin drejtori ekzekutiv Damien Comolli po përpiqet ta zhbllokojë me një lëvizje, duke futur Jonathan Davidin si një marrëveshje shkëmbimi. Davidi, një 'pykë' i klasit të lartë duket se do largohet vetëm pak muaj pasi mbërriti në Torino. Koha e sulmuesit kanadez në Torino nuk i ka përmbushur pritshmëritë deri më tani.

David ka pasur vështirësi të integrohet në skemat taktike, si nën drejtimin e Tudorit ashtu edhe të Spallettit dhe nuk ka ofruar qëndrueshmërinë e shënimit të golave si në Francë. Newcastle po kërkon përforcime në sulm dhe ish-lojtari i Lille, me një pagë prej 6 milionë eurosh (padyshim e përballueshme për Premier League), është një kandidat i fortë për ta.

Ideja e Comollit është e qartë, të përdoret David për të ulur vlerësimin e klubit anglez për Tonalin, i cili vlerësohet midis 80 dhe 85 milionë eurove. Largimi i kanadezit do të kishte një përfitim të dyfishtë, përveç uljes së pjesës së parave që do t'i paguhet Newcastle, do të lironte kufirin e pagave të nevojshëm për të mbuluar pagën e Tonalit (rreth 7 milionë euro neto plus bonuset).