POP 5

Lajmet më të lexuara të 5 minutave të fundit

Kronikë

Marrëveshje bashkëpunimi mes universitetit italian dhe ministrisë së Drejtësisë, Buçi: Mundësi për t’i dhënë ndihmë Shqipërisë në sektorin juridik

Sot paradite është nënshkruar një Memorandum Bashkëpunimi mes Italisë dhe Shqipërisë në fushën juridike. Marrëveshja u nënshkrua nga Rektori i Universitetit të Salento-s, Fabio Pollice dhe nga Ministrja e Drejtësisë, Etilda Gjonaj

Marrëveshje bashkëpunimi mes universitetit italian dhe ministrisë së Drejtësisë, Buçi: Mundësi për t’i dhënë ndihmë Shqipërisë në sektorin juridik

Fabio Pollice dhe Etilda Gjonaj

Sot paradite është nënshkruar një Memorandum Bashkëpunimi mes Italisë dhe Shqipërisë në fushën juridike. Marrëveshja u nënshkrua nga Rektori i Universitetit të Salento-s, Fabio Pollice dhe nga Ministrja e Drejtësisë, Etilda Gjonaj.

 Marrëveshja e nënshkruar, ka në fokus përforcimin e bashkëpunimit dypalësh në fushën juridike, veçanërisht në fushën e së Drejtës Penale, të Kodit të Procedurës Penale dhe së Drejtës së Burgjeve dhe promovimi i nismave shkencore e didaktike si në Itali ashtu edhe në Shqipëri, me qëllim studimin dhe përhapjen e legjislacioneve kombëtare përkatëse në fushat që përbëjnë interes për palët.

“Ky nënshkrim sot është pjesë e mbështetjes së ofruar, nga i gjithë Sistemi Italia (që përfshin natyrisht edhe institucionet tona më të mira akademike), një partneri të padiskutueshëm e një Vendi mik si Shqipëria. Karakteristikë e një Marrëveshjeje si ajo e nënshkruar sot është jo vetëm mundësia për t’i dhënë një ndihmë konkrete Shqipërisë në një sektor strategjik si ai juridik, por edhe, e mbi të gjitha, ajo e vendosjes së themeleve të reja e të forta për një shkëmbim reciprok afatgjatë” deklaroi Ambasadori Fabrizio Bucci.

“Mbështetja ndaj Institucioneve shqiptare në fushën e drejtësisë”, shtoi Ambasadori “vazhdon të jetë thelbësore, jo vetëm sepse ndihmon në konsolidimin e shtetit të së drejtës në Shqipëri, por edhe sepse sjell një përmirësim konkret në fushën e administratës së drejtësisë nga varet edhe përmirësimi i ‘business climate’ shqiptar dhe, pra, aftësia për të tërhequr më shumë investime të huaja e, veçanërisht, investime italiane. Me përmbushjen e reformave në fushën e së drejtës penale dhe asaj të burgjeve, urimi është që të mund të luftojmë, me më shumë forcë e më shumë rezultate, krimin e organizuar dhe korrupsionin në këtë Vend”.

Pas takimeve të zhvilluara në Ministrinë e Drejtësisë, delegacioni italian i përbërë nga Prof. Rossano Adorno dhe nga Prokurori italian i Ndërlidhjes pranë Ministrisë së Drejtësisë të Republikës së Shqipërisë, Francesco Mandoi vijoi misionin me një vizitë në Ministrinë e Arsimit, Sportit dhe Rinisë të Republikës së Shqipërisë, ku pati një takim me Zëvendës Ministrin Olti Rrumbullaku, për të biseduar mbi bashkëpunime të tjera të mundshme në fushën e Arsimit.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54