Marrëveshje mes Fatahut dhe Hamasit për rikthimin në Gaza të qeverisë së unionit

KAJRO - Fatahu palestinez dhe lëvizja islamike Hamas ranë dakord për të pranuar qeverinë e brishtë të unitetit të ushtrojë autoritetin e saj në Rripin e Gazës, konfirmuan sot zyrtarpt e dy kampeve.
Presidenti palestinez, Mahmud Abbas kishte akuzuar Hamasin për mbajtjen e një qeverie paralele në Rripin e Gazës dhe për pengimin e një qeverie të unitetit vendosur në muajin qershor për të ushtruar autoritetin e saj, pavarësisht marrëveshjeve për paqe nënshkruar në muajin prill.
"Fatahu dhe Hamasi ranë dakord për një marrëveshje të plotë për një rikthim të qeverisë së unitetit në Rripin e Gazës", theksoi një anëtar i delegacionit të Fatahut në Kajro, Jibril Rajoub.
Informacioni u konfirmua nga Azzam Al-Ahmad, shef i delegacionit të Fatahut dhe nga Moussa Abou Marzouk, një zyrtar i lartë i Hamasit./ATSH/