POP 5

Lajmet më të lexuara të 5 minutave të fundit

Politikë

Martin Shulz: Inkurajoj dialogun
në parlament e drejtësi të pavaru

Presidenti i Republikës, Bujar Nishani takoi sot kreun e Parlamentit Europian, Martin Schulz. Gjatë konferencës së përbashkët për shtyp, Schulz vlerësoi progresin e bërë nga Shqipërisë në rrugën e integrimit Europian. Sipas Presidentit të Parlamentit Europian, gjatë takimit me Nishanin është diskutuar për reformën në drejtësi dhe garantimin e një sistemi të pavarur. Schulz tha se Shqipëria është në rrugën e duhur drejt BE.  VIDEO
Martin Shulz: Inkurajoj dialogun<br />në parlament e drejtësi të pavaru
Presidenti i Republikës, Bujar Nishani takoi sot në Bruksel kreun e Parlamentit Europian, Martin Schulz. Gjatë konferencës së përbashkët për shtyp, Schulz vlerësoi progresin e bërë nga Shqipëria në rrugën e integrimit Europian.

Sipas Presidentit të Parlamentit Europian, gjatë takimit me Nishanin është diskutuar për reformën në drejtësi dhe garantimin e një sistemi të pavarur.

Schulz e vuri theksin edhe tek dialogu politik mes palëve i cili është i domosdoshëm për reformat me qëllim përshpejtimin e procesit të integrimit.

"Kemi dëgjuar fjalë kurajoze që janë komentuar këtu në Bruksel. Jemi të vetëdijshëm dhe kam vlerësuar në fjalën time se jemi një komb i madh me një zemër të madhe, për mikpritjen që më keni bërë në vizitën time të parë. Unë kur isha në Shqipëri korrikun e shkuar mësova shumë. Është një vend i mrekullueshëm. Arsyeja për t’u rikthyer sërish është për këtë arsye. Një sistem i pavarur drejtësie dhe një Parlament që kryen funksionet e tij, janë disa nga çështjet që diskutuam, por që janë elementë kryesor për të luftuar edhe kundër terrorizimit. Unë mendoj se Shqipëria është në rrugën e duhur duke kontribuar vazhdimisht për të përmirësuar të ardhmen e vendit. E falënderoj Presidentin për bisedën dhe shkëmbimin e përvojave, si dhe fokusin tek rëndësia e reformave. Elementët e luftës kundër terrorizmit, çështja e sigurisë, roli i vendit në marrëdhëniet me rajonin dhe BE. Këto mendoj se janë në rrugë të mirë. Si President keni kontribuar shumë për bashkëpunimin mes Shqipërisë dhe BE-së”, u shpreh Schulz. 

Nga ana e tij, Presidenti Bujar Nishani vlerësoi rolin e Martin Schulz në progresin e Shqipërisë drejt Bashkimit Europian.

"Sot ka qenë një ditë intensive me takime në Bashkimin Europian. Ka qenë kënaqësi që jam pritur në takime të veçanta nga Presidenti i PE, Martin Schulz, një mik i vendit tim, një mik i popullit shqiptar. Është kënaqësi që takoj z.President pas vizitës që zhvilluat në Shqipëri. Gjatë takimit sot pata mundësinë të shpreh edhe njëherë mirënjohjen që presidenti Schulz dhe PE i kanë kushtuar marrëdhënieve me Shqipërinë. Gjithashtu kam shprehur vlerësimin për rezolutën e PE për Shqipërinë në muajin prill, ku vlerësohet progresi i bërë, ku theksohet edhe nevoja për sfidat, në mënyrë që të ecim më përpara drejt BE", u shpreh Nishani.
 
Sipas tij, integrimi europian është mekanizimi më i mirë për të gjithë vendet dhe kombet në Ballkan, për të rritur pajtueshmërinë dhe besueshmërinë mes tyre.
 
Ai theksoi se e ka informuar Schulzin për procesin e reformave dhe vëmendjen e tij për reformën e gjyqësorit dhe nevojën për të ruajtur garantimin e të drejtave të njeriut dhe respektimin e çështjes së pronës.
 
Kriza e refugjatëve ka qenë gjithashtu në qendër të diskutimeve mes presidentit Nishani dhe kreut të PE, Schulz.

Nishani tha se Shqipëria do të jetë pjesë e zgjidhjes së krizës sipas një plani të koordinuar europian, përmes një zgjidhje proporcionale.
 
"I dhamë një rëndësi të veçantë nevojës për bashkëpunim për të tejkaluar krizën e refugjatëve për të cilën nxora në pah vullnetin dhe gatishmërinë e institucioneve shqiptare për të qenë pjesë e një zgjidhje të koordinuar europiane, një zgjidhje proporcionale", tha Nishani. 

schulz

Redaksia Online
Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Logjika politike e guerriles së senatorëve të Sali Berishës

Ylli Pata: Logjika politike e guerriles së senatorëve të Sali Berishës

24 Dhjetor, 18:33 nga Ylli Pata