Martin Shulz, presidenti
i ri i Parlamentit Europian

BRUKSEL-  Socialdemokrati gjerman Martin Schulz u zgjodh sot president i Parlamentit Evropian për një mandat të dytë prej dy vjet e gjysmë, duke zëvendësuar konservatorin polak Jerzy Buzek dhe premtoi se do të dëgjohet zëri i të zgjedhurve përballë qeverive.

Ish-kryetari i grupit të socialistëve duke marrë 387 ndër 670 vota të shprehura, u zgjodh me mbështetjen e deputetëve të grupimit kryesor të Parlamentit Evropian, PPE, Partia Popullore Evropiane, në bazë të një marrëveshjeje mes dy partive për të ndarë postin në mes të mandatit prej pesë vjetësh.

Ai përfitoi gjithashtu nga votat e të zgjedhurve liberalë dhe nga një pjesë e madhe e të Gjelbërve. Por, rezultati i tij është në rënie të dukshme në krahasim me atë të pararendësit të tij, konsensuali Jerzy Buzek, i cili mori 555 vota në favor, edhe pse konkurrenca ishte më e vogël, pasi kishte vetëm një kandidat përballë vetes.

Kandidatët përballë gjermanit Schultz, britanikët Diana Wallis e partisë liberale ALDE, dhe Nirj Deva i partisë konservatore euroskeptike ECR, morën përkatësisht 141 dhe 142 voix.

Duke u shprehur pas fitores përballë deputetëve dhe shtatë ish-presidentëve të Parlamentit, Martin Schulz premtoi se do të përpiqet që të dëgjohet zëri i demokracisë dhe i Parlamentit.
(ne foto Martin Shulz duke shtrenguar doren presidentit te PE-se ne ikje ,Jerzy Buzek)
(sg/atsh/shqiptarja.com)