KOLORADO - Zonja e parë e SHBA-së, Mishel Obama, u takua me disa nga familjarët e viktimave në Aurora të Kolorados, ku një person hapi zjarr gjatë promovimit të filmit Batman, duke vrarë 12 vetë dhe plagosur 58 të tjerë.

Mishel Obama vizitoi dhe stafin e spitalit në të cilin vijojnë të kurohen ende disa nga të plagosurit.

Zonja Obama vlerësoi punën dhe përpjekjet e mjekëve për të shpëtuar të mbijetuarit e sulmit.

Ajo qëndroi mbi një orë në spital para se te nisej në një tjetër takim në Denver për mbledhje fondesh për fushatën e re zgjedhore në favor të bashkëshortit të saj që rikandidon për President.

(gm/Shqiptarja.com)