Masakra në Bucha, Perëndimi paralajmëron sanksione të forta ndaj Rusisë

Në orët e fundit, SHBA dhe aleatët perëndimorë kanë paralajmëruar se do të ndëshkojnë Rusinë për veprimet e saj në Bucha. Kancelari gjerman Olaf Scholz tha të hënën se presidenti rus Vladimir Putin dhe mbështetësit e tij do të "ndiejnë pasojat" dhe se partnerët perëndimorë do të intensifikojnë sanksionet kundër Moskës.

Ndërkohë, këshilltari amerikan për sigurinë kombëtare, Jake Sullivan tha se SHBA po punonte "intensivisht me aleatët e saj evropianë për sanksione të mëtejshme për të rritur presionin dhe për të rritur koston ndaj Putinit dhe Rusisë".

Franca dhe Gjermania kanë thënë gjithashtu se do të dëbojnë diplomatët rusë nga vendet e tyre.

Si përgjigje, Rusia tha se do të hakmerrej dhe "do të mbyllte derën e ambasadave perëndimore", raportoi Reuters të ketë thënë ish-presidenti rus Dmitry Medvedev.

"Do të jetë më e lirë për të gjithë. Dhe pastaj ne do të përfundojmë vetëm duke e parë njëri-tjetrin në asnjë mënyrë tjetër veçse me armë," paralajmëroi ai.

Lajmi kryesor:

Pas Buchas një tjetër masakër, 200 viktima në Borodyanka! Zelensky në Këshillin e Sigurimit: Të krijohet një gjykatë model i Nurembergut për të dënuar krimet e Rusisë! BE: Embargo qymyrit rus

TAG:
• rusia sulmon ukrainen
• Rusi
• ukraine