Masakra në Miçigan, publikohet momenti kur nxënësit struken nën tavolina pasi 15-vjeçari vrau tre prej tyre (VIDEO)

Një video e rëndë është publikuar nga mediat e huaja, ku thuhet se tregon momentin ku studentët shihen duke u strukur në tavolina, pasi 15-vjeçari i armatosur, i cili e identifikoi veten si zëvendës i një sherifi, qëlloi për vdekje tre nxënës në një shkollë të mesme në Miçigan, duke plagosur tetë të tjerë, përfshirë një mësues.

Sipas ‘Daily Mail’, në video paraqiten pamjet e rrëqethëse të kapura nga një student, ku shihen shokët e një klase të grumbulluar nën tavolina, të cilën kishin kyçur derën, ndërsa vrasësi i armatosur, kishte filluar ‘aksionin’ e tij, dhe endej nëpër korridoret e shkollës, duke u përpjekur të bindë viktimat e mundshme se ishin të sigurt dhe të dilnin nga aty, ku ishin fshehur.

"Zyra e Sherifit," tha vrasësi. "Mund të dilni".

Studentët shkëmbyen shikime ndërmjet tyre, ndërsa njëri pëshpëriti “ai tha se është e sigurt të dalim...”. Por një shok klase skeptik nuk pranoi të hapte derën, duke thënë: ‘Ne nuk jemi të gatshëm ta marrim atë rrezik tani’.

Ndërkohë, sulmuesi i dyshuar, u arrestua brenda pesë minutave nga telefonata fillestare, tha policia dhe shtoi se një oficer në vendngjarje ndihmoi në kapjen e tij.

Policia tha të martën pasdite se adoleshenti mund të gjykohet si i rritur për vdekjen e një djali 16-vjeçar dhe dy vajzave, 14 dhe 17 vjeçe. Mbi 20 të shtëna u qëlluan nga adoleshenti.

Autori, nxënës i gjimnazit të Oksfordit, u arrestua, por nuk dha asnjë shpjegim për aktin e tij, tha Michael Mccabe, një zëdhënës i policisë lokale.

"Mund t'ju them se ai qëlloi disa herë" tha polici, duke shtuar se autori përdori një pistoletë gjysmë automatike.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Grupimi Berishës koalicion me LSI për zgjedhjet e 6 marsit. Mendoni se ky vendim do u sjellë:



×

Lajmi i fundit

John

Ermonela Jaho anëtare nderi e shoqatës lirike në Spanjë