Pushteti i asaj kohe dënoi si autorë 5 minoritarë të moshuar që ishin më shumë veprimtarë politikë.
Në 23-vjetorin e Masakrës, historiani Arben Llalla e ka përkujtuar me detaje këtë ngjarje, duke shënuar gjithçka dhe duke theksuar se autori sot fshihet në cadrën e PD.
Sipas tij, një nga përgjegjësit e ngjarjes sot është aleat i ngushtë i PD-së në Himarë, është Fredi Bejleri, kryetar i PBDNJ-së, ish-kandidat për kryetar bashkie.
![masakra e peshkepise](http://www.shqiptarja.com/foto/281010_3.jpg)
(Deklarata e Arben Llalla ne Facebook)
Ja ç’shkruan studiuesi Arben Llalla:
“Më 10 Prill 1994, rreth orës 3, pas mesnatës, një skuadër paraushtarake me emri “PIRRO,, që i përkiste organizatës terroriste greke e njohur “Fronti Për Çlirim e Vorio Epirit”- MAVI, e përbërë nga 8 persona, hynë 4 km në territorin e Republikës së Shqipërisë. Kjo skuadër sulmoi godinën ushtarake ku mbetën të vrarë ushtari i shërbimit Arsen Llazar Gjini, 20 vjeç nga Semani i Fieri dhe oficerin Fatmir Sali Shehu, 34 vjeç, nga Tepelena, si dhe plagosën 3 ushtarë të tjerë. Pasi morën peng rreth 120 ushtarë të cilën kur u krye sulmi po flinin, grupi terroristë thërriste: “Këto i keni për Vorio Epirin, ne nuk kemi harruar”. Gjatë largimit skuadra terroriste e MAVI-t, morën me vete 15 automatik të markës kallashnikov, prodhim kinez dhe dy arka me fishek. (Sipas agjentëve që u filtruan në grupin e MAVI-t, pasi dolën nga burgu, u patën thënë se në fillim vranë ushtarin, oficeri duke parë ushtarin e vrarë u mundua të merrte armën që ishte në tavolinën e punës, por u qëllua pas shpine)”.
Më pas në një status dedikuar Fredi Belerit, Llalla shkruan:
“Fredi ose Dionis Beleri nga Himara më 10 Prill 1994 ishte pjesmarrës me grupin terroristë grek MAVI të cilët vranë dy ushtarak shqiptar, Arsen Llazar Gjini, 20 vjeç nga Semani i Fieri dhe oficerin Fatmir Sali Shehu, 34 vjeç, nga Tepelena, në repartin e Peshkëpisë në Gjinokastër. Fredi Beleri është dënuar me 3 vite burg për dhunimin e simboleve kombëtare shqiptare por ende se ka kryer burgun.
Nuk e dimë përse policia e Vlorës nuk e zbaton urdhërin e Gjykatës së Vlorës”.
![dionis beberi](http://www.shqiptarja.com/foto/281013_2.jpg)
(Fredi, Dionis Beberi)
![arben llalla](http://www.shqiptarja.com/foto/281014.jpg)
(Tjeter publikim i historianit Arben Llalla)
Redaksia Online
Shqiptarja.com
![](https://www.shqiptarja.com/template/img/sh_logo1.png)