Dhoma Penale e Gjykatës së Tiranës ka vendosur në një seancë me dyer të mbyllura ti japë pafajsinë Shemsie Kadries. Sipas kryesuesit të trupit gjykues Kreshnik Omari, nuk provohet fakti i pranisë së veprës penale në akuzën e ngritur nga Prokuroria e Tiranës.
Pas kallëzimit nga tre gra të cilat pretendonin se kishin rënë pre e mashtrimit nga Kadrija, nisën hetimet ku rezultoi se ish-bosja e firmës piramidale “Gjallica” në vitin 97 këtë herë kishte filluar sërish një aktivitet mashtrimi duke përfituar shumën prej 17 milion lekësh.
Organi i akuzës depozitoi kërkesën për gjykim ndaj Kadrijes, me anë të së cilës kërkoi 12 vite burgim. Për shak të mungesës në gjyq Kadrija, u përfaqësua nga avokati, Sandër Ahmeti i cili asnjëherë nuk pranoi pretendimet e prokurorisë duke i cilësuar ato si të motivuara dhe tendencioze.
Redaksia online
(ac/shqiptarja.com)
