Mashtrimi me rindërtimin e Thumanës, Pampuri: Rama gënjen! Bën show me fatkeqësinë

Mashtrimi me rindërtimin e Thumanës, Pampuri: Rama gënjen! Bën show me fatkeqësinë

THUMANË- Në Thumanë është zhvendosur Partia Demokratike, ku akuzon qeverinë Rama se ka bërë propagandë duke thënë se pastrimi i mbetjeve të tërmetit nuk është bërë në kohën që ka premtuar.

Sipas deputetes, Orjola Pampuri, kryeministri Edi Rama ka mashtruar, dhe ajo që është më e keqja është se tallet me qytetarët edhe me fatkeqësitë e tyre.

"Thumana, pas tërmetit të 26 Nëntorit,  vijon të mbetet një grumbull mbetjesh, të godinave të rrënuara. Edi Rama premtoi pikërisht nga ky vend, përpara 64 ditësh, që për 6 ditë do të pastrohej gjithçka e do të niste puna me 3-4 turne për ta rikthyer gjithçka në normalitet, por aty nuk ka shkuar askush, nuk ka punuar askush as me 3 e as me 4 turne. Ajo që Edi Rama di të bëje është shoë propagandistik me gjithçka, por ajo që është e neveritshme dhe tregon akoma më shumë pafytyrësinë e tij është propaganda me fatkeqsinë e qytetarëve. Nga njëra anë tallet me qytetarët, e nga ana tjetër rrënon ekonominë, duke çuar drejt falimentimit mijëra biznese, e nga ana tjetër mbështet një grup oligarkësh me të cilët ndan interesa. Thumana tregon edhe një herë, fytyrën e vërtetë të Edi Ramës dhe qeverisjes së tij", tha Pampuri.

PD-ja i referohet deklaratës së bërë nga kryeministri Edi Rama më 8 prill, i cili së bashku me ministrin e Rindërtimit, Arben Ahmetaj deklaruan se pastrimi i mbetjeve të ndërtesave të shembura nga tërmeti i 26 nëntorit do të përfundojë brenda 6 ditëve.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet