Mashtroi pacientët për 15 vite, arrestohet kirurgu me 8 klasë shkollë që e kërkonte gjithë bota

Një 43-vjeçar nga Venecia që ishte hequr gjatë gjithë jetës së tij si mjek i kualifikuar i kirurgjisë plastike, por në të vërtetë kishte përfunduar vetëm 8 klasë shkollë, është arrestuar nga autoritetet italiane.

Matteo Politi cilësohej si mjeku VIP, por në të vërtetë ai kishte mashtruar pacientët e tij duke e shitur veten si profesionist i mjekësisë estetike për 15 vite me radhë, teksa punoi në spitale të ndryshme në Italia dhe Rumani.

Pikërisht në Bukuresht ai kërkohet nga drejtësia dhe do t’i duhet të vuajë një dënim me 3 vjet e 4 muaj burg.

LEXO EDHE:
Kampi i emigrantëve në Gjadër/ Gjykata e Kasacionit i jep të drejtë Melonit: Vlerësimi i vendeve të sigurta i takon qeverisë italiane

Kirurgu estetik me 8-vjeçare ishte i kërkuar nga policia në të gjithë botën prej muajit mars dhe mendohej se fshihej në Hong Kong, por karabinierët e Venecias e arrestuan mëngjesin e sotëm në Marghera.

Ai u ndalua pas lëshimit të urdhër-arrestit evropian, i kërkuar nga një gjykatë në Rumani, pasi akuzohet për mashtrim dhe falsifikim të dokumenteve në lidhje me ushtrimin abuziv të profesionit të mjekësisë në atë vend.

Sipas gjyqësorit rumun, mes marsit dhe dhjetorit 2018, ai ka mashtruar nëntë viktima në lidhje me aftësinë e tij si specialist në kirurgjinë kozmetike, duke përdorur një emër të falsifikuar dhe duke kryer operacione në objekte të ndryshme shëndetësore në Bukuresht në këmbim të dhjetëra mijëra eurove.

TAG:
• Matteo Politi
• itali
• infermiere

Sondazhi i ditës:

Çfarë prisni në vitin 2025?

• Punë

  8.1%

• Shëndet

  73.5%

• Mirëqënia

  18.5%

Vota total: 260

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia