Tre të rinj, të maskuar e të armatosur, kanë thyer xhamat e një prej dritareve të banesës private dhe kanë hyrë brenda. Në banesë ndodhej Haki Allkushi, 89-vjeç me bashkëshorten, të cilët kishin pak orë që ishin shtrirë për të fjetur. Një nga grabitësit, ka nisur të dhunojë çiftin e të moshuarve, ndërsa dy të tjerët kanë filluar të kontrollojnë banesën.
Më pas ata kanë grabitur 300 mijë lekë të reja dhe një armë gjahu dhe janë larguar në drejtim të paditur.
Ndërkaq familjarët e çiftit të moshuar, të njoftuar nga vetë ata, i kanë dërguar në spitalin rajonal të Sarandës, ku ndodhen në gjendje të rëndë shëndetësore.
Dyshohet se autorët janë banorë të fshatit Gjashtë dhe ndoshta kishin kohë që e studionin banesën për ta grabitur. Për shkak se kanë qenë të maskuar, të moshuarit nuk kanë arritur t`i identifikojnë grabitësit.
![](https://www.shqiptarja.com/template/img/sh_logo1.png)