POP 5

Lajmet më të lexuara të 5 minutave të fundit

Kronikë

Maskat me detyrim në publik në disa shtete, ngrihen në protesta Gjermanët, Spanjollët dhe Francezët (VIDEO)

Shqipëria nuk është i vetmi vend që ndërmerr masën drastike të përdorimit të maskave edhe në ambiente të hapura. Më parë shtete të ndryshme e kanë ndërmarrë këtë masë me qëllim parandalimin e përhapjes së mëtejshme të  COVID-19. Materiali në vijim na njeh me këto shtete.

Nga kjo e enjte të gjithë do të dalin me maska në ambiente të hapura në Shqipëri. Në të kundërt gjoba për këtë shkelje do të shkojë në faturën e dritave. Por vendi ynë nuk është i pari që po e merr këtë masë drastike, pasi më herët ky rregull është vendosur në zbatim në disa shtete të botës, me qëllim parandalimin e përhapjes së mëtejshme të COVID-19.

Një ndër më të hershmet që e ka marrë këtë masë është Maqedonia e Veriut. Prej muajit maj çdo qytetar është i detyruar të mbajnë maskë kudo nëpër vende publike dhe institucione, sidomos nëse ata janë të shoqëruar me dikë që nuk e kanë pjesëtar të familjes. Nëse ky rregull nuk zbatohet gjoba është 20 euro. Pavarësisht shtimit të masave mbrojtëse ANTI-COVID, shifrat e të infektuarve gjatë dy muajve të fundit vijojnë të jenë të larta.

Në Kosovë vendosja e maskës në publik është e detyrueshme prej muajit korrik. Për të gjithë ata që nuk e zbatojnë këtë rregull gjoba është 50 euro.

Nga data 8 tetor edhe Italia e bëri të detyrueshme mbajtjen e maskës në ambientet publike. Nëse ky rregull nuk zbatohet, gjoba është nga 400 deri në 1000 euro. Teksa gjendja e jashtëzakonshme e emergjencës shëndetësore do të zgjatet deri më 31 janar 2021, pavarësisht se Ministri i Shëndetësisë, Roberto Speranza, në Parlament  deklaroi se Italia për momentin është shumë më mirë se disa vende evropiane në lidhje me valën e dytë të pandemisë.

Vendosja e maskave në hapësira publike është e detyrueshme edhe në Francë, Gjermani dhe Spanjë.  Këto rregulla nuk janë përqafuar nga qytetarët e këtyre vendeve dhe për këtë arsye janë ngritur në protesta masive.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lutfi Dervishi: Shqipëria hesht për Kryepeshkopin! Përse?

Lutfi Dervishi: Shqipëria hesht për Kryepeshkopin! Përse?

11 Janar, 11:56 nga Lutfi Dervishi