POP 5

Lajmet më të lexuara të 5 minutave të fundit

Politikë

Mazhoranca, 12 koordinatorë në
qarqe për ndarjen territoriale

Ndarja e re administrative duket se do të fillojë vetëm me konsensusin e drejtuesve vendorë të majtë, kjo pas takimit që bëri dje ministri i Çështjeve Vendore, Belendi Çuçi me rreth 180 të zgjedhurit vendorë të së majtës dhe të LSI.
Mazhoranca, 12 koordinatorë në<br />qarqe për ndarjen territoriale
TIRANE- Ndarja e re administrative duket se do të fillojë vetëm me konsensusin e drejtuesve vendorë të majtë, kjo pas takimit që bëri dje ministri i Çështjeve Vendore, Belendi Çuçi me rreth 180 të zgjedhurit vendorë të së majtës dhe të LSI. Në këtë takim është mësuar se nuk ka qenë kryeministri Edi Rama, por paneli i diskutantëve drejtohej pikërisht nga ministri Çuçi dhe anëtarët e komisionit të posaçëm kuvendor për Reformën Adminisrativo-Territoriale. Pas mbledhjes me dyer të mbyllura, burime pranë së majtës thanë se dje u caktuan koordinatorët e 12 qarqeve, të cilët do të udhëheqin procesin e ndarjes administrative në vend.

Në këtë mënyrë nisën konsultimet e para mes vendorëve të majtë dhe qeverisë, të cilat sipas burimeve do të shtrihen në terren dhe pritet që sugjerimet e vendorëve të paraqiten këtij komisioni benda muajit prill. Pas përfundimit të takimit, ministri Çuçi tha se pas sqarimi i reformës për krerët vendore, do të fillojë edhe puna me turin e takimeve në gjithë qarqet e vendit. “Sqarimi fillon nga administrata që janë zgjedhur nga komunitetet dhe më pas fillon puna. Ne do të fillojmë me turin e takimeve në bazë në të gjitha qarqet e Shqipërisë. Diskutuam kriteret. Ajo që na takon ne ka të bëjë me procesin sa më transparent. Askush nuk shprehi pakënaqësi.

Patëm mirëkuptimin nga kryetarët e komunave. Fokusi është tek garantimi i procesit sa më gjithëpërfshirës dhe transparent”, tha ministri Çuçi. Në pritje të zhbllokimit të punës në komisionin e Reformës Territoriale, do të jenë prefektët ato që do të marrin në dorë procesin. Prefektët do të ngrenë grupet në terren dhe të piketojnë bashkitë dhe komunat që duhen ndarë ose bashkuar.

Njësitë e reja të qeverisjes vendore nuk do të kenë më pak se 10 mijë banorë në zonat jo shumë të populluara, jo më pak se 20 mijë në ato me poullsi të mesme, ndërsa në zonatr e mëdha urbane, një bashki do të ketë minimalisht 30 mijë banorë. Njësia bazë e ndarjes së re do të jetë bashkia qendër rrethi do të jetë, ndërsa  për ato komuna  dhe bashki qe e bëjnë vetë planifikimin e ri territorial, ka një bonus investimi 4 vjeçar nga buxheti i shtetit në masën 10 % të buxhetit vjetor.

Ndarja e re administrative territoriale parashikon që të ketë 160 njësi vendore, ndërsa aktualisht ka 384 njësi. 60 % e këtyre njësive vendore, nuk do të jenë më pasi do të ketë një ndarje të re administrative që pritet të realizohet brenda këtij viti, dhe në zgjedhjet e vitit të ardhshëm do të shkojmë sipas ndarjes së re territoriale. Kjo ka bërë që të ketë edhe disa të pakënaqur vendorë, dhe ndaj përveç konsultimit për reformën, synohet edhe sheshimi i këtyre pakënaqësive.

Shkrimi u publikua sot (20.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Tiranë/ Lojëra fati dhe baste sportive të paligjshme, 6 të arrestuar

Tiranë/ Lojëra fati dhe baste sportive të paligjshme, 6 të arrestuar

29 Nëntor, 13:20