Kryetari i Grupit Parlamentar të Partisë Socialiste Taulant Balla ka reaguar pas miratimit dy ditë më parë nga Parlamenti Europian të një raporti që kishte në fokus masat ndaj ndërhyrjeve të huaja në vendet anëtare të BE përmes dezinformimit, sulmeve kibernetike dhe ndërprerjes së infrastrukturës kritike.
Përmes një postimi në rrjetin social facebook Balla deklaron se Kuvendi i Shqipërisë ka miratuar një Rezolutë mbi ndërhyrjet e huaja në proceset demokratike kombëtare në dhjetor 2019. 'Është koha e duhur, ndoshta e vonuar, ngritja e një Komisioni të Posaçëm të Kuvendit të Shqipërisë për Ndërhyrjet e Jashtme në Proceset Demokratike.'
Sipas Ballës, ky komision duhet të ketë synim mbledhjen e informacionit mbi rastet e bëra publike apo dhe të tjera mbi financime të partive dhe aktorëve politikë nga burime financiare të lidhura me shtete jo miqësore me Shqipërinë. Sikur edhe në rastin e Parlamentit Europian objekt i punës së këtij Komisioni duhet të jenë edhe fushatat e dezinformimi, të cilat si edhe në vendet e BE, financohen në mënyrë malinje nga Rusia apo ndonjë vend tjetër.
Postimi i plotë i Taulant Ballës:
Parlamenti Europian miratoi dy ditë më parë një raport që kishte në fokus masat ndaj ndërhyrjeve të huaja në vendet anëtare të Bashkimit Europian përmes dezinformimit, sulmeve kibernetike dhe ndërprerjes së infrastrukturës kritike.
Si pjesë e rekomandimeve në këtë Raport u kërkohet të gjitha vendeve anëtare të përputhin qasjen e tyre me kufizimet që Bashkimi Evropian, por dhe SHBA, kanë vendosur tashmë mbi ndalimin e përdorimit të aplikacionit të mediave sociale TikTok.
Raporti është pjesë e punës së Komitetit të Posaçëm të Parlamentit Evropian për Ndërhyrjet e Jashtme në Proceset Demokratike në Bashkimin Evropian, duke përfshirë Dezinformimin, i cili filloi në vitin 2020 në një përpjekje për të ndaluar shtete si Rusia dhe Kina të ushtrojnë ndikim në politikën evropiane.
Edhe Kuvendi i Shqipërisë ka miratuar një Rezolutë mbi ndërhyrjet e huaja në proceset demokratike kombëtare në dhjetor 2019. Është koha e duhur, ndoshta e vonuar, ngritja e një Komisioni të Posaçëm të Kuvendit të Shqipërisë për Ndërhyrjet e Jashtme në Proceset Demokratike, duke synuar mbledhjen e informacionit mbi rastet e bëra publike apo dhe të tjera mbi financime të partive dhe aktorëve politikë nga burime financiare të lidhura me shtete jo miqësore me Shqipërinë. Sikur edhe në rastin e Parlamentit Europian objekt i punës së këtij Komisioni duhet të jenë edhe fushatat e dezinformimi, të cilat si edhe në vendet e BE, financohen në mënyrë malinje nga Rusia apo ndonjë vend tjetër.
Komente
Lajme të tjera
-
Spiropali uron besimtarët për Krishtlindjet: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor, 17:48 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11 -
Ministrja e Kurtit sulmon Ramën pas fjalimit në Kuvend! I përvishen shqiptarët e Kosovës: Si nuk ke turp?!
21 Dhjetor, 09:56 -
Mbledhja e Kuvendeve Kosovë-Shqipëri, Kreshnik Çollaku: Ngjarje pozitive! Rama provokoi, bëri fushatë kundër Kurtit
20 Dhjetor, 17:44 -
Deklarata e përbashkët e Kuvendeve Kosovë-Shqipëri: Dënohen sulmet në veri, thirrje Serbisë t’i dorëzojë autorët
20 Dhjetor, 16:58 -
Shqipëri-Kosovë një Kuvend, Rama: Pezmatimi i aleatëve po pengon! 'Ngrini' dialogun me Serbinë, normalizimin synojeni me BE! Osmani: Të unifikojmë politikën e jashtme
20 Dhjetor, 07:28 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16
Komision sa me bo ca mbledhje e me diskutu, se paguhesh. Ndoshta me.mire perforcon sherbimet e inteligjences ne personal, trajnim e pajisje, sesa keto komisione kshu
Përgjigju