Në një konferencë për shtyp, zëdhënësi i Ministrisë së Brendshme, Fatmir Konja, deklaroi se aktualisht vijon puna për hapjen e rrugëve në të gjitha zonat e bllokuara.
“Në qarkun e Shkodrës aktualisht janë të bllokuara komunat: Shalë, Shosh, Shllak, komuna Kelmend e Malësisë së Madhe dhe komunat Iballë, Fierzë dhe Blerim të Pukës. Në qarkun e Kukësit janë të bllokuara komunat: Shishtavec, Kalis, Arren, Grykëcajë, lekbibaj dhe Bytyc. Në qarkun e Dibrës janë të bllokuara komunat: Lurë, Zall Rec dhe Selishtë. Në qarkun e Elbasanit janë të bllokuara komunat: Poroçan, Lenie, Kukur.
Ditën e sotme janë trajtuar 5 emergjenca shëndetësore në zonat problematike nga reshjet e dëborës. Njësia e helikopterëve të Forcave të Armatosura ka kryer 15 misione fluturimi ditën e sotme për transport ndihmash” tha Konja.
![](https://www.shqiptarja.com/template/img/sh_logo1.png)