POP 5

Lajmet më të lexuara të 5 minutave të fundit

Sport

Mbajini mend emrin, Adrion Pajaziti debutoi me Kombëtaren në 'Wembley'

Në mitikun "Wembley" për herë të parë minuta mori edhe Adrion Pajaziti, i cili debutoi me Shqipërinë dhe mbrëmjen e 21 marsit do ta ketë të skalitur në kujtesë për gjithë jetën.

Mbajini mend emrin, Adrion Pajaziti debutoi me Kombëtaren në 'Wembley'

Adrion Pajaziti debuton me Kombëtaren

Humbja e Kombëtares 2-0 në Londër kundër Anglisë nuk ishte vetëm "zi" për Shqipërinë. Në mitikun "Wembley" për herë të parë minuta mori edhe Adrion Pajaziti, i cili debutoi me Shqipërinë dhe mbrëmjen e 21 marsit do ta ketë të skalitur në kujtesë për gjithë jetën.

Ishte minuta e 78-të kur Sylvinho i besoi Adrionit një vend në fushë, duke zëvendësuar Qazim Laçin. Që në prekjet e para, djaloshi që ka lindur në Londër u duk me siguri dhe vetëbesim, duke treguar se jo më kot pritshmëritë për të janë të mëdha.

Pajaziti vjen nga moshat, teksa ka qenë kapiteni i Shqipërisë U-21 dhe ka shënuar tetë gola në 13 ndeshje. Mesfushori me tipare të avancuara ka qenë pjesë edhe e Kosovës së moshave, por në fund zgjodhi ekipin kuqezi.

Pjesë e Fulham prej verës së 2019, 22-vjeçari këtë sezon luan në huazim me HNK Gorica në Kroaci. 15 ndeshje numëron këtë sezon Pajaziti me klubin e tij, për 965 minuta.

Ekspertët e futbollit vendas e shohin Pajazitin me shumë besim për të ardhmen e Kombëtares dhe debutimi i tij me Shqipërinë në një ndeshje si ajo kundër Anglisë në mitikun "Wembley" është një "sms" jo vetëm për futbollistin.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjon: 22/03/2025 23:50

    Inshin te re pa fuqishem se me shumese gjysma e ekipit jane ne kososovare the maqedones turq ne ramazan shporreni kta pisa se jane te pa fuqishem

    Përgjigju
  • Sondazhi i ditës: 24 Mars, 23:36

    Zgjedhjet e 11 majit, a i besoni premtimet e partive?

Lajme të tjera



×

Lajmi i fundit

Sondazhi i Eurobarometrit: 74% e europianëve besojnë se vendi i tyre ka përfituar nga anëtarësimi në BE, shifër rekord që nga 1983

Sondazhi i Eurobarometrit: 74% e europianëve besojnë se vendi i tyre ka përfituar nga anëtarësimi në BE, shifër rekord që nga 1983

25 Mars, 09:30