POP 5

Lajmet më të lexuara të 5 minutave të fundit

Bota

Mbërrijnë në Ukrainë avionët e parë F-16

Avionët e parë të shumëpritur F-16 kanë mbërritur në Ukrainë, thanë të mërkurën ministri i Jashtëm i Lituanisë dhe një zyrtar amerikan

Mbërrijnë në Ukrainë avionët e parë F-16

Avion luftarak

Avionët e parë të shumëpritur F-16 kanë mbërritur në Ukrainë, thanë të mërkurën ministri i Jashtëm i Lituanisë dhe një zyrtar amerikan. Kievi ka thënë se dërgimi i tyre do të ndihmojnë në ripërtëritjen e forcës së saj të dobësuar ajrore.

Avionët F-16, të prodhuar nga kompania amerikane Lockheed Martin, kanë qenë në listën e kërkesave kryesore të Ukrainës për një kohë të gjatë, për shkak të fuqisë së tyre shkatërruese dhe zhdërvjelltësisë së tyre. Ky avion luftarak mund të mbajë bomba dhe raketa.

Ministri i Jashtëm lituanez Gabrielius Landsbergis e bëri njoftimin e mbërritjes së tyre në platformën X.

Një zyrtar amerikan, duke folur në kushte anonimiteti, tha se avionët ishin dorëzuar.

Forcat Ajrore të Ukrainës nuk iu përgjigjën menjëherë kërkesës së agjencisë Reuters për koment.

Danimarka është zotuar të dhurojë gjithsej 19 avionë, ndërsa Holanda ka premtuar të japë 24 të tillë. Të dyja vendet kanë qenë forcat nxitëse të një koalicioni ndërkombëtar për të furnizuar Ukrainën me F-16.

Norvegjia ka thënë gjithashtu se do t'i dhurojë Ukrainës gjashtë avionë luftarakë F-16.

Pilotët dhe personeli janë trajnuar për përdorimin e tyre, nga partnerët perëndimorë të Ukrainës për muaj të tërë.

Ushtria ukrainase është mbështetur tek një flotë relativisht e vogël avionësh të epokës sovjetike, ndërsa lufton për të frenuar agresionin e Rusisë.

Zyrtarët ukrainas e shohin paisjen me avionë F-16 si një përmirësim jetik për Forcën Ajrore.VOA

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça