POP 5

Lajmet më të lexuara të 5 minutave të fundit

Kronikë

Mbërrijnë pushuesit e parë nga Kosova në Shëngjin, Operatorët turistikë: E ardhmja e sezonit e zymtë

Pushuesit e parë nga Kosova kanë mbërritur në Shëngjin. Këtë vit ende nuk janë vendosur shezlong, ndërsa qytetarët shprehin pakënaqësi për papastërtinë në rërë. Nga ana tjetër operatorët turistik e shohin të zymtë këtë sezon edhe për shkak se po rriten rastet me covid-19.

Pushuesit e parë kanë mbërritur në plazhin e Shëngjinit, edhe pse moti nuk është shumë favorizues. Mungojnë shezlongët, për shkak se operatorët ende nuk janë licencuar, por kjo nuk përbën shqetësim për pushuesit.

“Unë ashtu e kisha lënë përherë. Nuk kisha nxjerrë shezlongë”, tha një pushuese.

Shqetësim për ta mbetet rëra që ka filluar të ndotet.

“Ka një javë që jemi. Asnjë nuk pastron. Taksat na i merr për pastrim”, shtoi ajo.

Hapja e kufirit po i jep frymëmarrje turizmit. Pushuesit e parë të Shëngjinit janë pikërisht shqiptarët e Kosovës.

“Mirë. Pastërtia mirë. Pandemia i ka hutuar njerëzit. Besoj se edhe kjo do të kaloje”, tha një tjetër pushues. 

Ata tregojnë arsyet se pse kanë zgjedhur të pushojnë në këtë bregdet.

“Nuk është ndonjë vend i veçantë, por për shkak të pikës kufitare të afërt që mundem me ardhur dhe fundjavave. Vetëm për tre orë mund të arrijmë.  Në përgjithësi mirë. Tre ditë ka që jam këtu”, u shpreh një pushuese.

Por edhe pse kanë mbërritur turistët e parë, operatorët janë të pakënaqur. Ata shprehen se mungojnë prenotimet, ndërsa kostot janë të larta.

“Situata është e brishtë. Presim aktivizim, por s’kemi asnjë përgjigje pozitive. Po vazhdoi kështu kemi falimentuar”, u shpreh Operatori Turistik, Dritan Kondakçiu.

“Situata nuk është fare e mirë, tha Operatori Turistik, Ben Lekaj.

Shëngjini gjatë sezonit të verës vizitohet nga mijëra pushues vendas e të huaj, por këtë vit për shkak të pandemisë pritshmëritë mbeten të ulëta.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit në futbollin shqiptar, Xhesika Ndoj shpallet 'Talentja e Vitit' 2024 për vajza

Më të mirët e vitit në futbollin shqiptar, Xhesika Ndoj shpallet 'Talentja e Vitit' 2024 për vajza

27 Janar, 20:46