POP 5

Lajmet më të lexuara të 5 minutave të fundit

Kronikë

Mbetet në burg ish-ministri
Ksera, Gjykata i refuzon lirimin

Gjykata e Lartë refuzon lirimin për ish Ministrin Spiro Ksera dhe lë në fuqi masën e sigurisë arrest me burg. Ksera u pranogs mbrëmjen e 29 Janarit në fshatin e tij Dervica ndërsa akuzohet nga prokuroria për shpërdorim detyre me pasojë vjedhjen e 30 milion lekëve.  VIDEO
Gjykata e Lartë ka shuar shpresat e Spiro Kserës, ish-ministrit të Punës dhe Çështjve Sociale, për lirimin nga qelia të tij,ku ndodhet pas arrestimit nga prokuroria për “Vjedhje duke Shpërdoruar detyrën” dhe “Falsifikim dokumentash”. Ksera, prej 66 ditësh ndodhet i izoluar në qeli dhe do vijojë të qëndrojë sërisht, pasi Gjykata e Lartë ka refuzuar të marrë në shqyrtim dosjen dosjen penale të tij,duke i konsideruar të drejta dy vendimet e shkallës së parë dhe atë të apelit të Tiranës, që kanë caktuar masën e “arrestit në burg”, për Spiro Kserën.

Vendimi për të mos pranuar rekursin e ish-ministrit Ksera nga Gjykata e Lartë është marrë më 24 Mars 2016 dhe është zbardhur në faqen e internetit të gjykatës këtë fundjavë. Ksera ju drejtua gjykatës së lartë më 9 Mars 2016 me rekurs për ndryshimin e masës së sigurisë pasi më parë shkalla e parë dhe ajo e apelit vendosën ndaj tij “arrest me burg”. Ish-ministri Ksera u arrestua mbrëmjen e 29 janarit në fshatin Derviçan të Gjirokastrës ndërsa prokurori Ndini Tavani, i cili heton dosjen me abuzimet në aktivitet e organizuara nga Ksera e akuzon atë për vjedhje duke shpërdoruar detyrën me 30 milion lekë të reja.

Fotot të modifikuara

Prokuroria e Tiranës ka zbuluar një nga rastet flagrante të vjedhjes së fondeve me anë të manipulimit të fotove të aktiviteteve sociale në Ministrinë e drejtuar nga Spiro Ksera. Ndër provat e Prokurorisë kundër ish ministrit të Punës Spiro Ksera, akuzuar për vjedhje duke shpërdoruar detyrën, janë dhe dy foto, njëra është origjinale dhe tjetra e falsifikuar nga punonjësit e Kserës. Sipas organit të akuzës ministria ka manipuluar me “Photoshop” foton e një aktiviteti të zhvilluar nga PNUD në Shqipëri, duke e shitur si foto të një aktiviteti të zhvilluar nga ministria, për të cilin është marrë edhe fond, por që nuk është zhvilluar kurrë.

Pra ministria mjaftohej vetëm me një foto të përpunuar për të justifikuar paratë që merrte nga buxheti i shtetit për zhvillimin e aktiviteteve me rëndësi sociale për komunitete të ndryshme në vendin tonë. Konkretisht bëhet fjalë për një foto të 11 prillit të vitit 2013 që paraqet një aktivitet për komunitetin rom të financuar nga PNUD në Shqipëri, në kuadër të Javës Ndërkombëtare të Romëve. “Me romët për Romët” është aktiviteti i financuar nga Organizata e Kombeve të Bashkuara PNUD. Fotot janë ndër 30 provat që Prokuroria disponon ndaj ish-­ministrit të Punës dhe Çështjeve Sociale Spiro Kserës dhe 7 personave të tjerë nën hetim, mes tyre dhe 2 gra.

Dosja nr.2 në prokurori

Ish-ministri i Punës Spiro Ksera që prej 66 ditësh ndodhet në qeli për 6 abuzime me aktivitetet e Ministrisë së Punës dhe Çështjeve Sociale, ndodhet nën hetim nga njësia hetimore Task-Forcë dhe për një çështje tjetër, shumë të ndjeshme jo vetëm për Shqipërinë por edhe për SHBA. “Shqiptarja.com” mëson se ndaj Kserës prokuroria ka një hetim të dytë, që bën fjalë për abuzimet me miratimin e vizave amerikane për “zyrtarët” e ministrisë që dikur drejtohej nga Ksera.

Burimet pranë prokurorisë thanë se Ksera, në periudhën kur tre shtetas nga Elbasani, dy femra dhe një burrë janë larguar në Amerikë, duke u maskuar si punonjës të Ministrisë së Punës,ka drejtuar këtë dikaster si dhe ka firmosur për marrjen në punë të tre individëve, të cilët disa kohë më parë janë kapur në SHBA, me dokumenta të parregullta.Për këtë çështje ka qenë nën hetim dhe ish-sekretari i Përgjithshëm i kësaj ministrie, Kleves Bitro, i cili tashmë është dënuar për këtë krim. Ndërkohë hetimet janë ende të hapura për ish-ministrin Ksera dhe disa persona të tjerë. Këto hetime kanë nisur pas kallëzimit të bërë nga Kontrolli i Lartë i Shtetit dhe informacioneve të Ambasadës Amerikane në Tiranë.

30 milion lekë

Ish-ministri Ksera u arrestua mbrëmjen e 29 janarit në fshatin Derviçan të Gjirokastrës ndërsa prokurori Ndini Tavani, i cili heton dosjen me abuzimet në aktivitet e organizuara nga Ksera e akuzon atë për vjedhje duke shpërdoruar detyrën me 30 milion lekëve.

Dosja e vizave

Ndaj Kserës prokuroria ka një hetim të dytë,që bën fjalë për abuzimet me miratimin e vizave amerikane për “zyrtarët” e ministrisë që dikur drejtohej nga Ksera. Burimet pranë prokurorisë thanë se Ksera, në periudhën kur tre shtetas nga Elbasani, dy femra dhe një burrë janë larguar në Amerikë

vendimi
(Ja vendimi i Gjykatës per te lene ne burg Spiro Kseren)


Redaksia online
(Shqiptarja.com)
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11