POP 5

Lajmet më të lexuara të 5 minutave të fundit

Kronikë

Mbetjet e Durrësit në udhëkryq! Banorët në protestë, bashkia nuk ka fonde për t'i transportuar mbetjet në Sharrë

Vendimi i qeverisë për të kthyer Porto Romanon në një park ekologjik ka futur në ngërç bashkinë e Durrësit, e cila nuk di çfarë të bëjë me mbetjet urbane. Ditët e fundit, kamionët u nisën për në Sukth, por banorët atje janë ngritur në protestë duke mos lejuar kthimin e fshatit në landfill.

Vendimi i qeverisë për të kthyer Porto Romanon në një park ekologjik ka futur në ngërç bashkinë e Durrësit. Nuk ka një landfill për mbetjet urbane të qytetit të Durrësit. Kompania e pastrimit ka tentuar t'i depozitojë ato në fshatin Vadardhë të njësisë administrative Sukth, por ka hasur në rezistencën e banorëve.

Gjatë protestës së sotme ata thanë se kanë bërë roje natën për të mos lejuar kamionët të derdhin mbetjet në fushë.

"Siç e shihni edhe ju vete këtu nuk plotëson kushtet për fushë mbetjesh. Po të hidhen buzë kanalit ato përfundojnë në det. Ne do të bëjmë roje non stop dhe nuk i lejojmë të vijnë plehrat këtu", shprehen ata.

Banorët shprehen se Bashkia e Durrësit kërkon ta ktheje fshatin e tyre në një vatër mbetjesh. 

"Kryetari i njësisë administrative thotë këtu do i bie se s'ka vend tjetër. Këtu është për hetim nga prokuroria për masakrën mjedisore", thanë më tej banorët në protestë.

Pas akuzave të tyre, Report TV kontaktoi me kreun e njësisë administrative të Sukthit, Rrapo Osmani. Jashtë kamerave ai pranoi se ka pasur takim me kryetarin e Bashkisë së Durrësit, ku i është kërkuar që mbetjet të depozitohen në mënyrë provizore në Sukth.

Ky problem është krijuar pas vendimit të qeverisë shqiptare për ta kthyer Porto Romanon në Eko-Park. Siç ka deklaruar Kryeministri Rama kohë më parë, mbetjet urbane të qytetit të Durrësit nuk do të depozitohen më në Porto Romano, por do të transferohen në landifillin e Sharrës.

Burime nga bashkia thanë se nuk kanë fonde për të paguar firmën e pastrimit që t'i dërgojë mbetjet ditore në Sharrë. Zëdhënësi i bashkisë sqaroi se kemi kërkuar fonde shtesë nga Ministria e Financave, por ende nuk janë miratuar. Në pritje në këtyre fondeve, bashkia kërkon ta zgjidhë emergjencën duke kthyer Sukthin në fushë mbeturinash.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Goni: 04/06/2020 21:40

    Mos i lini ti hedhin inertet kuturu,,as ne tirane nuk keni pse i sillni,,qeveria te mendoje...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja, Presidenti e kryeministri urojnë besimtarët katolikë, Begaj: Të reflektojmë mbi vlerat më të larta të njerëzimit!

Krishtlindja, Presidenti e kryeministri urojnë besimtarët katolikë, Begaj: Të reflektojmë mbi vlerat më të larta të njerëzimit!

25 Dhjetor, 08:09