KOSOVË-Numri i pacientëve të helmuar në Deçan ka shkuar mbi 1500, siç raportoi edhe kryetari i komunës, Bashkim Ramosaj, duke theksuar se shumë prej tyre rikthehen në spital për të dytën dhe të tretën herë.
“Deri më tani ajo që është e ditur që shifra e të helmuarve e ka kaluar mbi 1 500 dhe kur i referohem e kësaj shifre, i referohem që një pjesë e tyre kthehen në spital për herë të dytë dhe të tretë”, tha ai.
Ramosaj në konferencën për shtyp, tha se në bazë të analizave të publikuara nga Instituti i Shëndetit Publik, uji është i pastër dhe nuk ka asnjë provë që lidhet me helmimin, duke shtuar se hetimet lidhur me shkaqet që sollën epideminë vijojnë.
“Dje kemi marrë rezultatet e analizave nga Instituti i Shëndetit Publik, të cilat treguar se ujin në aspektin biologjik është i përdorshëm dhe është i pastër. Por ende duhen bërë analiza shtesë që me u gjet faktori dhe me u dit shkaqet dhe arsyet, pse ka ardhur gjithë ky infeksion dhe helmimi”, shtoi ai.
Në mbledhjen e qeverisë, ministri i Punëve të Brendshme, Xhelal Sveçla ka njoftuar se tashmë lidhur me situatën e helmimit në Deçan kanë nisur hetimet nga prokuroria. Ndërkohë, ministri i Shëndetësisë, Arben Vitia ka thënë se do të vazhdojnë të dërgojnë ilaçet që nevojiten në qendrat e mjekësisë familjare në Deçan. Duhet theksuar se kjo mbledhje u mbajt nga zëvëndëskryeministri, Besnik Bislimi, pasi shefi i ekzekutivit, Albin Kurti, ende s’është kthyer nga Greqia ku po merr pjesë në disa organizime të ndryshme në hotelin luksoz grek.
“Do të vazhdojmë të dërgojmë barna sipas nevojës. Janë bërë edhe disa analiza shtesë, prapë kanë dalur negative. Sot janë përgatitur disa mostra që do të dërgohen jashtë vendi. Jemi në kontakt të vazhdueshme me kryetarin e Deçanit, Bashkim Ramosaj. Situata është më e qetë. MSH do të qëndrojë afër qytetarëve në këtë kohë të vështirë”, u shpreh ai.
Situata në Deçan është e njëjtë prej disa ditësh, me temperaturë, dhimbje koke dhe marrje mendsh, simptomat e një helmimi kanë qenë mbi 1500 persona të cilët i janë drejtuar spitalit.
Mbledhja e Qeverisë së Kosovës është udhëhequr nga zëvëndëskryeministri, Besnik Bislimi, pasi shefi i ekzekutivit, Albin Kurti, ende s’është kthyer nga Greqia. Ndonëse axhenda e publikuar nga kryeministria njoftonte se Kurti do të ishte i pranishëm, nuk ndodhi kështu. Në këtë mbledhje po diskutohet për situatën në Deçan ku mbi 1500 persona janë helmuar dhe nuk dihen ende arsyet. Kreu i ekzekutivit është duke qëndruar në Greqi që nga 8 korriku, ku po merr pjesë në disa organizime të ndryshme në hotelin luksoz grek.
Komente
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
-
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
Kjo çfarë po ndodhë në Deçan e rrethinë, është për t’u brengosur. Nuk është hera e parë që ndodhin helmime të ngjashme në Kosovë. Kam bindjen, se është bërë gabim nga autoritetet që nuk është kërkuar ndihmë nga laboratori toksikologjik i KFOR-it. Sa më kujtohet, në njoftimet për opinion, nuk janë publikuar rezultatet nga hulumtimet laboratorike toksikologjike. Mjerisht, ne shqiptarët, kemi harruar shumë shpejt, se nuk është bërë neutralizimi i mjeteve toksike të policisë dhe të ushtrisë serbe, shumica prej të cilave janë të prodhuara dhe vazhdojnë të prodhohen në industrinë kimike "Zhupa" në Krushevc dhe simotrat e saj në Serbi. Unë nuk e përjashtojë mundësinë që edhe ky helmim e ka burimin tek sebo-çetnikët!
PërgjigjuVetem kontrolli miellit,sepse zhvillon toksina te tmerreshme qe nuk i eleminon pjekja e bukes. Sbesoj se ka kontrolle te rregullta megjithe rendesine e mufave e mykut te zi
Përgjigju