Mbi 1500 veta të helmuar në Deçan, arrestohet përgjegjësi i kamerave të sigurisë dhe Inspektori i Pyjeve për shpërdorim detyre

Mbi 1500 veta të helmuar në Deçan, arrestohet përgjegjësi i kamerave të sigurisë dhe Inspektori i Pyjeve për shpërdorim detyre

Foto nga qyetetarët e helmuar në spital

KOSOVË- Përgjegjësi i kamerave të sigurisë tek Gryka e Deçanit është arrestuar ditën e djeshme pasi është vërtetuar që kamerat e sigurisë nuk funksionin që prej dy muajsh. Ndërkaq, Policia ka arrestuar edhe Inspektorin e Agjensisë Kosovare të Pyjeve pasi ai ka qenë në krye të detyrës. Të dy personat e arrestuar dyshohet se kanë shpërdoruar detyrën. 

Zëdhënësi i Policisë së Pejës, Shkodran Nikqi i ka pohuar të dy arrestimet për mediat vendase. 

“Përgjegjësi i kamerave të sigurisë dyshohet se ka keqpërdorur detyrën zyrtare përderisa ka qenë përgjegjës për vëzhgimin e kamerave në Grykën e Deçanit”, tha Nikqi.

“Po është ndaluar një zyrtar i AKP-së pranë MPMHI-së me seli në Deçan për keqpërdorim të detyrës zyrtare, përderisa ishte në kryerje të detyrës zyrtare në cilësinë e inspektorit në Grykën e Deçanit. Hetimet janë duke u zhvilluar për të parë se a ka ky rast ndonjë lidhshmëri me çështjen e ujit në komunën e Deçanit”, ka thënë ai.

Gjithsesi Policia po kryen ende hetime për këtë ngjarje të rëndë.

Prej gati një jave Deçani është në gjendje emergjente, ndërsa numri i të helmuarve ka shkuar në mbi 1500. Instituti Kombëtar i Shëndetit Publik ka dalë në përfundimin se uji në Deçan është jo i pijshëm, çka e cilësoijnë si shkaktarin kryesor për mbi 1500 të helmuar në Deçan. Referuar analizave, në ujë janë gjetur bakteri disa bakterie jo patogjene, më konkretisht të bakterieve koliforme dhe E.coli. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri