/ATSH-MIA/ - Nga 19 qershori deri më 19 tetor 2015 autoritetet maqedonase kanë lëshuar vërtetime për 155 739 shtetas të huaj, prej të cilëve 99 600 meshkuj, 21 532 femra dhe 34 607 fëmijë me apo pa prindër, njoftuan sot autoritetet e vendit ballkanik.
Sipas shtetësisë migrantët ndahen në 106 915 sirianë, 25 818 afganë, 11 697 irakianë, 3 729 pakistanezë,  1 806 iranianë, 1 507 palestinezë, 824 somalezë, 828 bangladeshas, 450 kongolezë, 244 ganezë, 218 kamerunas, 204 eritreas e të tjerë.
"Ndërkohë, gjatë 24 orëve të fundit në Sektorin për Azil nuk janë parashtruar kërkesa për njohjen e të drejtës së azilit", shtuan autoritetet.