Azerbaxhani dhe Armenia akuzojnë njëra tjetrën për luftimet e dhunshme që filluan në rajonin Nagorno-Karabakh, ku u vranë më shumë se 20 persona. Ministria e Mbrojtjes e Azerbaxhanit njoftoi në një deklaratë se 12 luftëtarë të saj kanë vdekur.Ndërsa sipas zyrtarëve në Jerevan, Armenia ka humbur më shumë se 10 ushtarë në këto luftime.Ndërkohë që të dyja palët vlerësojnë se numri i të vdekurve në palën tjetër është shumë më i lartë.
Dy ish-republikat sovietike kanë luftuar për dekada në rajonin Nagorno-Karabakh, që popullohet kryesisht nga armenianë kristianë, por që OKB-ja e njeh si pjesë të Azerbaxhanit./atsh