POP 5

Lajmet më të lexuara të 5 minutave të fundit

Sociale

Mbi 4700 nxënës në Durrës mësim me dy turne! 3 vite pa tërmetit, 12 shkolla ende në rindërtim, Thërmija: Tenderimi ka pasur vonesa

Mbi 4700 nxënës në qytetin e Durrësit do të zhvillojnë mësimin turn i dytë edhe këtë vit shkollor. Procesi i rindërtimit ka ecur ngadalë! Tre vite pas tërmetit janë ende 12 shkolla pa përfunduar, ndërsa vonesat vijnë kryesisht nga procedura e tenderimit.

Për të tretin vit radhazi, dy prej gjimnazeve më të mëdha të qytetit të Durrësit, “Gjergj Kastrioti” dhe “Naim Frashëri”, do të vazhdojnë mësimin me turne përkatësisht në shkollat 9-vjeçare “Marie Kaçulini” dhe “Shaqe Mazreku”, kjo për shkak të mos nisjes ende të rindërtimit të dy gjimnazeve.

Punimet për dy godinat përkatëse ende janë në fazën e projektimit dhe vetëm pak muaj më parë është bërë e mundur shembja e godinave të dëmtuara nga tërmeti i 26 nëntorit.

Në total në Bashkinë Durrës janë 12 shkolla në proces rindërtimi, të cilat prekin 4704 mijë nxënës, të cilët mësimin do ta ndjekin me turne në disa prej 14 shkollave rindërtimi i të cilave ka përfunduar.

 "12 shkolla në proces rindërtimi, 4704 mijë nxënës preken nga ky proces.14 janë rindërtuar dhe nxënësit kane vijuar mësimin.", u shpreh Drejtoresha e  Zyrës Vendore Arsimore Durrës Amarilda Thërmija.

Procesi i rindërtimit ka ecur ngadalë. Një nga arsyet është procedura e tenderimit, kjo sipas Drejtoreshës së ZVA Durrës, Amarilda Thërmija.

"Mund të them proceduara e tenderimit ka pasur vonesa", u shpreh Thërmija.

Tërmeti shkatërrimtar i 26 nëntorit 2019 dëmtoi 26 objekte arsimore, ndërsa deri më tani janë ndërtuar 14 shkolla të reja. 8 janë ende në fazë projekti, ndërsa 2 në fazë ndërtimi.

S.C/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze