Në kryeqytet, vijon fushata e mbjelljes së pemëve, të cilës kësaj here i janë bashkuar biznese të ndryshme që operojnë në Tiranë.
Kryetari i Bashkisë së Tiranës, Erion Veliaj tha se prilli është muaji i fundit kur mund të mbillen pemë, pasi mbyllet stina e shirave, dhe i ftoi qytetarët e Tiranës që të bëhen pjesë e kësaj fushate.
“Jam shumë mirënjohës që kompanitë serioze të Tiranës i janë bashkuar fushatës së mbjelljes së pemëve. Janë kompani që i paguajnë të gjitha taksat, që i kanë shlyer detyrimet dhe mbjellja e pemëve është diçka shtesë, për të lënë një gjurmë në komunitet. Është kollaj të shash e të kritikosh, të bëhesh ekspert nga divani, të rrish me toksina tërë ditën në Facebook, por është shumë e vështirë që të marrësh lopatën dhe të mbjellësh një pemë, sepse besoj që kategoritë e njerëzve janë ndarë në atë që bëjnë punë dhe ata që komentojnë.
Ne jemi kategoria e njerëzve që bëjnë punë, disa në bashki, disa në ndërmarrje, disa në biznes privat. Ata që kritikojnë dhe vetëm komentojnë njerëzit që bëjnë punë, nuk kanë lënë ndonjë gjurmë dhe historia i harron shumë shpejt. Ndaj, edhe shpresa ime është të shtohet raca e mirë, e çunave dhe gocave që bëjnë gjëra, që lënë një gjurmë, që lënë një shenjë”, tha Veliaj.
Kryebashkiaku tha se vetëm javën e fundit në Tiranë ka pasur mbi 6 mijë pemë të mbjella. Sipas tij, Tirana po përgatitet edhe për sezonin turistik. Ai dha lajmin e mirë se shumë shpejt në kryeqytet do të ndërtohet Akademia e Turizmit për gjithë Ballkanin, që do jetë një akademi ekselence, ku do të mësojnë sesi menaxhohet turizmi i nivelit të lartë.
“Ne do ta kapim tragetin tonë prej 100 mijë pemë këtë sezon në Tiranë. Për sa kohë kemi turistë që vijnë edhe për të kaluar Vitin e Ri, italianë, grekë, turq, apo edhe të rajonit, dhe për sa kohë që nga festat religjioze siç mund të jenë Bajrami, Novruzi, Pashka, e Krishtlindja, stina e verës, pothuajse çdo ditë ka aktivitete në Tiranë. Kemi marrë edhe një vendim, një propozim shumë të ngjashëm me Kolegjin e Europës, që në Tiranë të ndërtohet Akademia e Turizmit për gjithë Ballkanin.
Një akademi ekselence ku të mësojnë sesi menaxhohet turizmi i nivelit të lartë, hotelet me 5 yje dhe këto janë të gjitha biznese të lidhura, dikush i ndërton, dikush sjell elektro-shtëpiake, dikush sistemin e shitjeve, dikush tjetër është në sistemin e AirBnB, dikush tjetër në turizëm, pra i kemi fatet e lidhura me njëri-tjetrin, kështu që, suksesi i secilit prej nesh, është suksesi i gjithë qytetit tonë”, bëri me dije Veliaj.
Në fund kreu i Bashkisë foli për rikualifikimin e bllokut te ish-Tregu Elektrik, nga ku po mbillnin pemë, kur tha se është shembulli më i mirë se si dora e njerëzve që punojnë mund të transformojnë realitete.
“Kam edhe një lajm të mirë për komunitetin: kemi fazën e dytë të projektit “Taulantia”; kjo ka qenë vetëm faza e parë ku u pastrua gjithë tregu elektrik nga kontejnerët dhe minjtë, edhe iu kthye qytetarëve në një park.
Faza e dytë do jetë gjithë pjesa e rrugëve, duke filluar nga xhamia e “Urës së Tabakëve”, rruga “Shyqyri Ishmi” dhe e gjithë pjesa e rrugëve rreth kontureve të ‘Ali Demit’, kështu që është loti i dytë, për të cilin hapim shumë shpejt garën. Me shpresë, ashtu siç është bërë qendra, zemra e lagjes, edhe cepat e vegjël kapilarë do shohin një rezultat të jashtëzakonshëm”, përfundoi Veliaj.
Komente
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
Ore, zgjeroje Parkun e Liqenit artificial të Tiranës,mbille me Pemë Kodrën aty poshtë Saukut e né krah të Willsonit...duhet Pyllëzuar edhe Diga e Liqenit...me Hardhi a Mandarina,madje Ndërtoje Akademinë aty Poshtë Digës së Liqenit,duke e bërë Oaz e Lulishte!
Përgjigju