POP 5

Lajmet më të lexuara të 5 minutave të fundit

Kosova & Rajoni

Mbledhja e dy qeverive acaron Vuçiçin: Kulmi i hipokrizisë, ne na taksojnë 100%, vetë heqin taksat

Lajmi për mbledhjen e përbashkët të dy qeverive në Pejë ka sjellë reagimin e ashpër të presidentit serb, Aleksandër Vuçiç. Ai e ka quajtur hipokrizi takimin e pestë mes dy qeverive, ndërsa marrëveshjet që priten të nënshkruhen si ajo për heqjen e taksave, i ka konsideruar të papranueshme, kur nga ana tjetër, sipas tij, Kosova takson me 100% produktet serbe.

Mbledhja e dy qeverive acaron Vuçiçin: Kulmi i hipokrizisë, ne na taksojnë 100%, vetë heqin taksat

Presidenti i Serbisë, Aleksandar Vuçiç

Lajmi për mbledhjen e përbashkët të Qeverisë së Kosovës dhe asaj të Shqipërisë, ka bërë jehonë edhe në mediat serbe. Pas publikimit të agjendës dhe të temave që pritet të diskutohen dhe marrëveshjet që pritet të nënshkruhen sot në mbledhjen e përbashkët të Qeverisë së Kosovës dhe asaj të Shqipërisë, ka ardhur edhe reagimi i presidentit të Serbisë, Aleksandar Vuçiç.

Këtë takim presidenti serb e ka quajtur si hipokrizi pasi sipas tij, "përderisa Kosova ka vendosur taksë doganore 100 për qind për mallrat e Serbisë dhe Bosnje e Hercegovincës, në anën tjetër me Shqipërinë po tenton të heqë kufijtë dhe taksat për mallrat e Kosovës, pra të heq barrikadat ekonomike".

“Është kulmi i hipokrizisë, jo vetëm për shqiptarët që jetojnë në Kosovë dhe Shqipëri, por edhe për të gjithë ata që e lejojnë një gjë të tillë”, ka thënë Vuçiç i nervozuar.

Vlen të theksohet se edhe kryeministri i Shqipërisë, Edi Rama, e ka përkrahur këtë vendim të qeverisë së Kosovës. Kjo u bë e ditur përmes publikimit të një fotografie me ministrin e Tregtisë dhe Industrisë, Endrit Shala, ku mbishkrimi i kësaj fotografi ishte “100%”. E pas publikimit të kësaj fotografie, kanë reaguar mediat serbe, duke e cilësuar si provokim të ri dhe si vendim qesharak përkrahjen e kryeministrit Edi Rama.

Po ashtu dje, ministri i Arsimit, Shkencës dhe Teknologjisë, Shyqiri Bytyqi, sot ka bërë të ditur se shumë shpejt në mes të Kosovës dhe Shqipërisë nuk do të ketë asnjë taksë doganore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12