TIRANË-  Unanim 11 me zero ishte Këshilli i Lartë i Prokurorisë (KLP) në miratimin e Joni Ketës si drejtuesi i dytë i Byrosë Kombëtare të Hetimit, institucionit kyç në Strukturën e Posaçme Anti Korrupsion. Qeveria e prokurorëve pranoi pa asnjë kundërshti propozimin e Altin Dumanit, Arben Krajës dhe Behar Dibrës, komisionit të SPAK që çoi emrin e Joni Ketës pas një periudhe të gjatë seleksionimi që nisi me 13 kandidatë.

Deri në emërimin si kryeheuesi në SPAK për 5 vitet e ardhshme, Keta kaloi të 7 fazat e garës si testi i arsyetimit logjik, kontrolli mjekësor, testi fizik, ese me shkrim, intervistë dhe më pas verifikimit të figurës, deklarimit të pasurisë dhe testin e poligrafit.

Vitin e kaluar, në 2024-ën, Joni Keta, garoi mes 7 kolegësh, hetues të BKH-së, dhe ia doli të bëhet numri 2 i këtij institucioni, ndërsa që prej fundit të gushti kur paraardhëses së tij Aida Hajna i mbaroi mandati ishte kreu në detyrë i “FBI-së” shqiptare.

Më herët Joni Keta ka shërbyer si Oficer i Policisë Gjyqësore në ish-Prokurorinë për Krimet e Rënda dhe më pas në SPAK.

Byroja Kombëtare e Hetimit është një strukturë kyçe brenda SPAK, e ngarkuar me hetime proaktive, teknike dhe të thelluara mbi korrupsionin e nivelit të lartë dhe krimin e organizuar. Modeluar sipas FBI-së amerikane dhe ngritur me mbështetjen e programeve ndërkombëtare si ICITAP dhe PAMECA, BKH luan një rol të rëndësishëm në funksionimin e reformës në drejtësi.

Gjatë gjithë procesit të përzgjedhjes së emrit në SPAK por edhe në mbledhjen e kësaj të marte ne KLP, të pranishëm ishin edhe partnerët e huaj, të ICITAP, Bashkimit Evropian apo OPDAT.

Xh.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pali: 09/12/2025 20:17

    Tipike hipokritike alla shqiptare: i biri i ish prokurorit te korridoreve te prokurorise se pergjithshme, dhe memes parti, nipi i ish kreut te SHISH domosdo qe ne opgj tek krimet e remda do niste karriere dhe bitisur sot ne krie te birose sone heroike!!! Mgmt modelimi sipas fmbeise i vjen dhe shkon…

    Përgjigju
  • Maria: 09/12/2025 13:16

    Urime Jonit djal i shkelqyer, me norma dhe me botkuptim, rracional, i drejte qe nuk merret me vogelsira

    Përgjigju
    • Kapidani: 09/12/2025 18:11

      Ligjet a i zbaton se për djalë të mirë i japim dy gra?!!

  • Sondazhi i ditës: 20 Mars, 13:11

    Qeveria rikthen Bordin për naftën, a besoni se do mbahen çmimet nën kontroll?

Lajme të tjera