TIRANË- Në prag të nisjes së sesionit të ri në Kuvend, maxhoranca miratoi e vetme axhendën parlamentare në Konferencën e Kryetarëve.
Përfaqësuesit e opozitës, më në krye Gazment Bardhin bojkotuan sërish, duke dhënë sinjalin e parë se skenarin e tyre të kaosit do ta vijojnë edhe këtë sesion.
Por, surprizë ishte shfaqja e Jorida Tabakut në mbledhje. U kujdes që t’i sqaronte që në nisje socialistët se prezenca e saj ishte në dakordësi të plotë me deputetët e aksionit, vetëm për draft kalendarin e punimeve që lidhen me integrimin.
"Prezenca ime në Konferencën e Kryetarëve është në dakordësi të plotë me grupin parlamentar të PD dhe opozitën. PD ka qenë dhe do jetë gjithnjë proaktive në çështjen e integrimit Europian. Fatkeqësi që kjo mazhorancë i ka mbetur ende ora tek Reforma në Drejtësi dhe ka dështuar në reformat e tjera", tha Tabaku.
Sikurse tha para mediave, socialistëve u kërkoi vullnet politik për të dialoguar me opozitës, sikurse edhe raporti i Komisionit Europian dikton.
‘U diskutua për rolin që kanë komisionet hetimore me elementë që lidhen me punën e opozitës. Parlamenti nuk ka normalitet dhe nuk pres që të zgjidhet sot”, tha Tabaku.
Në mbledhjen e parë të Konferencës së Kryetarëve për këtë vit, e pranishme nuk ishte as e vetmja përfaqësuese e Lulzim Bashës, Flutura Açka. Arsyeja e saj nuk lidhej me bojkotin, por pretendimin se nuk ishte ftuar.
“Unë nuk jam njoftuar në ASNJË formë e mënyrë që sot Kuvendi ka: Konferencën e Kryetarëve! Turp, zonja Nikolla! Keni njē batalion me sekretarë që ju fshijnë edhe këpucët, dhe nuk kanë kohë për një telefonatë zyrtare. E keni kthyer Kuvendin nē një ngrehinë gaztore, ku bëhen shakatë e klanit më korruptiv që ka parë ndonjëherë parlamentarizmi”, shkroi Açka.
Por, Kuvendi e përgënjeshtroi duke thënë se ftesa Açkës i ka shkuar, njëjtë si të gjithë anëtarëve të tjerë të Konferencës së kryetarëve, në emailin e saj, pasditen e së mërkurës. (Fotoja)
Në kalendarin e punimeve, Kuvendi ka futur një sërë ligjesh të mbetura pa miratuar në sesionin e shkuar, mes të cilave edhe ata që kërkojnë 84 vota, si amnistia, pagat e gjyqtarëve ndërsa brenda janarit pritet të miratohet edhe ligji i shumë përfolur i lojërave të fatit.
Konferenca e kryetarëve miratoi edhe kalendarin për miratimin e ligjeve të kërkuara nga komisioni europian, duke synuar reformë zgjedhore brenda 2024, por në kushtet kur PS-PD refuzojnë dialogun, një reformë konsensuale duket e vështirë.
Emali i publikuar nga Kuvendi
Email-i e publikuara nga Flutura Açka
Deputetja Flutura Açka hodhi akuza se Kuvendi nuk e ka njoftuar për mbledhjen e Konferencës së Kryetarëve.
Por, Kuvendi konfirmoi për Report Tv se e-maili për mbajtjen e mbledhjes i është dërguar edhe Açkës.
Pas mbledhjes së Konferencës së Kryetarëve, Jorida Tabaku tha se jeta parlamentare në vend ndodhet në këtë situatë për shkak të mungesës së vullnetit politik të mazhorancës.
‘U diskutua për rolin që kanë komisionet hetimore me elementë që lidhen me punën e opozitës. Parlamenti nuk ka normalitet dhe nuk pres që të zgjidhet sot. Kisha shpresuar që procesin integrimit mazhoreanca ta përdoret për tu rikthyer drejt normalitetit. Nëse ndodhemi në situatën ku ndodhemi ndodhemi prej mungesës së vullnetit politik të qeverisë. Afatet kohore që po vendosën ishte viti 2024. Nuk votova kundër por isha aty për të thënë se këto nuk janë thjesht çështje të opozitë sport i integrimit. I kërkova kryetares së Kuvendit se duhet të dalim përtej asaj aurolës së pushtetit.’- tha Tabaku.
Deputetja e Partisë demokratike, Flutura Açka ka bërë një reagim lidhur me mbledhjen e Konferencës së Kryetarëve, për të cilën thotë se nuk është njoftuar në asnjë formë që do të zhvillohej sot. Açka akuzon Nikollën se e ka kthyer Kuvendin në ngrehinë gaztore, ku bëhen shakatë e klanit më korruptiv që ka parë ndonjëherë parlamentarizmi.
“Kuvendi i Shqipërisë, kjo ngrehinë gaztore! Zonja Nikolla, Unë nuk jam njoftuar në ASNJË formë e mënyrë që sot Kuvendi ka: Konferencën e Kryetarëve
Turp, zonja Nikolla! Keni njē batalion me sekretarë që ju fshijnë edhe këpucët, dhe nuk kanë kohë për një telefonatë zyrtare. E keni kthyer Kuvendin nē një ngrehinë gaztore, ku bëhen shakatë e klanit më korruptiv që ka parë ndonjëherë parlamentarizmi.
Të paktën demokratët, por edhe shqiptarët, i kanë shumë qartë bashkëpunimin tuaj më KË opozitar dhe SI bashkëpunon Edi Rama”, shkruan Açka.
Në Kryesinë e Kuvendit po mbahet mbledhja e Konferencës së Kryetarëve. Gazment Bardhi ka bojkotuar këtë seancë në vazhdë të aksionit në Kuvend, ndërsa e pranishme është Jorida Tabaku.
Kjo e fundit, në nisje të seancës ka deklaruar se pjesëmarrja e saj është në dakordësi me grupin e PD duke qenë se do të diskutohet edhe për çështjen e integrimit.
“Prezenca ime në Konferencën e Kryetarëve është në dakordësi të plotë me grupin parlamentar të PD dhe opozitën. PD ka qenë dhe do jetë gjithnjë proaktive në çështjen e integrimit Europian. Fatkeqësi që kjo mazhorancë i ka mbetur ende ora tek Reforma në Drejtësi dhe ka dështuar në reformat e tjera.
Shqipërisë i duhen reforma për të vazhduar procesin e integrimit. Shqipërisë i duhet një klimë dialogu mes qeverisë dhe opozitë. Jo hipokrizi! Mazhoranca kërkon dialog për Reformën Zgjedhore ndërkohë që Kryeministri dje ka shpallur monolog për reformën zgjedhore.
Parlamenti duke refuzuar abuzivisht ngritjen e Komisioneve Hetimore ka goditur demokracinë. Ligji ri për Komisionet Hetimore, në interes të hallit të qeverisë. Sa më shumë komisione aq më shumë skandale dhe aq më shumë hetime nga SPAK.
Drejtësia po merret me Korrupsionin, ne na duhet një parlament që të mbajë përgjegjëse qeverinë për angazhimet e saj kundër korrupsionit. Angazhimet për këtë hartë të integrimit nuk duhet të jenë në letra. Janë piketat që duhet të ketë kuvendi për një demokraci parlamentare jo për një parlament noter të dëshirave të qeverisë.
Qeveria po bën monolog, miraton një rregullore pa pyetur opozitën. Një qeveri që ka 50% të koncesioneve në SPAK nuk mund të bëj moral për korrupsionin dhe për SPAK. Një mazhorancë që ka mbrojtur koncesionet në SPAK nuk mund të bëjë moral për korrupsionin dhe kundër opozitës”, ka thënë Tabaku.
Komente
Lajme të tjera
-
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
-
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
'Antikorrupsioni'/ Drejtori i Hetimit të Krimit Ekonomik: Kriptovalutat po përdoren për fshehjen e parave! Zv.Ministri i Drejtësisë dhe Mbikqyrësi në BSH: Paratë pastrohen nga sasia e lartë e cash
15 Nëntor, 12:08 -
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13 -
VIDEOLAJM/ Dy ditë peng për dëshminë, Beqaj pret në Kuvend me duar në xhepa! Porosit kafe
14 Nëntor, 00:28 -
Komisioni i Dezinformimit/ Kryetarja e SHISH: Ndërhyrjet malinje nga vendet armiqësore po amplifikohen nga platformat online, financim e rekrutime në portale
13 Nëntor, 11:47 -
'Hetimori' i Shëndetësisë 16 orë mbledhje maratonë, bllokohet sërish dëshmia e Ilir Beqajt për 'sterilizimin'! Dy ditë peng i debateve PS - PD, s'ka konsensus për shtyrjen e afatit
13 Nëntor, 07:25 -
PD protestë ditën e miratimit të buxhetit 2025 në Kuvend, zbardhet mesazhi dërguar kryetarëve të degëve
12 Nëntor, 20:25 -
PD propozon ndryshime në rregullore e Kuvendit: Deputetët të deklarojnë nëse kanë përdorur aplikacionet ‘SkyECC' dhe 'EncroChat'
11 Nëntor, 18:26
Keta "deputete" qe kane dale nga "furra" e kryetareve,nuk jane ne gjendje te dalin nga reshti.Ne cdo parti ka vetem njesh dhe te tjeret jane zero.
Përgjigju